Pineapple Benefits: আনাৰসৰ ৰস খোৱাৰ উপকাৰিতাৰ বিষয়ে জানো আহক

আনাৰসত আমাৰ শৰীৰৰ বাবে লাগতিয়াল সকলোবোৰ ভিটামিন, খনিজ তথা পুষ্টি থাকে ৷ গ্ৰীষ্মকালত এই ফল খোৱাৰ বহু স্বাস্থ্য উপকাৰিতা আছে ৷ আজি সেই বিষয়ে জানো আহক-

গ্ৰীষ্মকালত আপোনাৰ শৰীৰটো যদি শীতল কৰি ৰাখিব বিচাৰে, তেন্তে আপোনাৰ আহাৰৰ তালিকাত আনাৰসৰ ৰস অন্তৰ্ভূক্ত কৰক ৷ হয়, আনাৰসত আমাৰ শৰীৰৰ বাবে লাগতিয়াল সকলোবোৰ ভিটামিন, খনিজ তথা পুষ্টি থাকে ৷ গ্ৰীষ্মকালত এই ফল খোৱাৰ বহু স্বাস্থ্য উপকাৰিতা আছে ৷ আজি সেই বিষয়ে জানো আহক-

আনাৰসৰ ৰসত ব্ৰ’মেলিনকে ধৰি পুষ্টিকৰ উপাদান আৰু উপকাৰী যৌগ থাকে যিয়ে আপোনাৰ স্বাস্থ্যক সহায় কৰিব পাৰে, যিয়ে ৰোগ প্ৰতিৰোধ ক্ষমতা বৃদ্ধি কৰিব পাৰে আৰু হজম শক্তি বৃদ্ধি কৰিব পাৰে ।

পুষ্টিৰে সমৃদ্ধ

আনাৰসত থকা মেঙ্গানিজ, তাম, ভিটামিন-বি ৬ আৰু চি-ৰ দৰে পুষ্টিয়ে হাড়ৰ স্বাস্থ্য, ৰোগ প্ৰতিৰোধ ক্ষমতা, ক্ষত নিৰাময় আৰু শক্তি উৎপাদনত এক গুৰুত্বপূৰ্ণ ভূমিকা পালন কৰে ৷ ই আইৰণ, কেলচিয়াম, ফছফৰাছ, জিংক, কোলিন, ভিটামিন-কে আৰু ভিটামিন বি সমৃদ্ধ ৷

শৰীৰ ফুলা হ্ৰাস কৰা

আনাৰসৰ ৰসত ব্ৰোমেলাইন থাকে ৷ব্ৰোমেলাইন এনজাইমৰ এটা গোট ৷ যিয়ে আঘাত, অস্ত্ৰোপচাৰ, ৰিউমেটইড আৰ্থ্ৰাইটিছ বা অষ্টিওআৰ্থ্ৰাইটিছৰ ফলত শৰীৰ ফুলা সমস্যা হ্ৰাস কৰাত সহায় কৰিব পাৰে ৷

ৰোগ প্ৰতিৰোধ ক্ষমতা বৃদ্ধি

গ্ৰীষ্মকালত এই ফলৰ ৰস খোৱাটোৱে আমাৰ শৰীৰৰ ৰোগ প্ৰতিৰোধ প্ৰণালী শক্তিশালী কৰে ৷ দৰাচলতে, ই এণ্টিবায়টিকৰ প্ৰভাৱ বৃদ্ধি কৰাত সহায় কৰিব পাৰে ৷

হজমত সহায়ক

আনাৰসৰ ৰসত ব্ৰোমেলাইন থাকে, যি হজম কৰাত সহায় কৰিব পাৰে ৷ডায়েৰিয়া সৃষ্টিকাৰী বেক্টেৰিয়াৰ পৰাও ই আমাক সুৰক্ষা দিব পাৰে ৷ অন্ত্ৰৰ বিকাৰ থকা লোকৰ বাবেও আনাৰসৰ ৰস খোৱাটো খুবেই উপকাৰী ৷

হৃদযন্ত্ৰৰ স্বাস্থ্য বৃদ্ধি

আনাৰসত এণ্টি-অক্সিডেণ্ট আৰু ভিটামিন চি থাকে, যিয়ে আপোনাক কাৰ্ডিওভাস্কুলাৰ ৰোগৰ পৰা সুৰক্ষিত কৰে ৷ উচ্চ ৰক্তচাপৰ সমস্যাত পৰা লোকসকলেও আহাৰত আনাৰস অন্তৰ্ভুক্ত কৰিব লাগে ৷ ই হৃদৰোগৰ আশংকা হ্ৰাস কৰিব পাৰে ৷

লগতে পঢ়ক:Diet of diabetic patients: ডায়েবেটিছ ৰোগীয়ে কেনেধৰণৰ খাদ্য গ্ৰহণ কৰিব পাৰে ?

লগতে পঢ়ক:Dry Eyes: চকু বাৰে বাৰে শুকাই যোৱাৰ বাবে অশান্তি পাইছে নেকি ? এই খাদ্যসমূহে দিব উপশম