Thekera Tenga Benefits: তৰকাৰী-চৰবতৰ বাবে ব্যৱহাৰ হোৱা থেকেৰা টেঙাৰ উপকাৰিতা জানেনে ?

থেকেৰাত ভালে পৰিমাণৰ ভিটামিন চি থাকে, যিয়ে ৰোগ প্ৰতিৰোধ ক্ষমতা বৃদ্ধি কৰিব পাৰে । এই ফলবিধত এন্টিষ্ট্ৰেছ গুণ থাকে, যিয়ে মানসিক চাপ আৰু উদ্বেগৰ সৈতে মোকাবিলা কৰাত সহায় কৰিব পাৰে । আজি ইয়াৰ অন্য উপকাৰিতাসমূহৰ বিষয়ে জানো আহক...

আয়ুৰ্বেদিক ঔষধৰ প্ৰতি মানুহৰ আস্থা পুনৰ বাঢ়িছে ৷ এলোপেথিক ঔষধৰ তুলনাত ইয়াৰ পাৰ্শ্বক্ৰিয়া কম আৰু ই শৰীৰক সুস্থ কৰি ৰখাত সহায় কৰিব পাৰে ৷ তেনে এক আয়ুৰ্বেদিক ঔষধ হ’ল থেকেৰা টেঙা ৷ ইয়াক অসমৰ ভিন্ন প্ৰান্তত চৰবত, খাদ্য ৰন্ধাৰ সময়ত ব্যৱহাৰ কৰা হয় ৷ গৰমৰ দিনত থেকেৰা টেঙাৰ চৰবতে শৰীৰক শীতল কৰাত যথেষ্ট সহায় কৰে ৷ এই ফলবিধ খাবলৈ টেঙা তথা সোৱাযুক্ত হোৱাৰ লগতে স্বাস্থ্যৰ পক্ষেও অতি উপকাৰী ৷

কিন্তু ইয়াক সেৱন কৰা হয় যদিও ইয়াৰ উপকাৰিতাৰ বিষয়ে বহু কম সংখ্যক লোকহে জ্ঞাত ৷ সেয়ে আজি এই প্ৰতিবেদনত আমি আপোনালোকক থেকেৰা টেঙাৰ উপকাৰিতাৰ বিষয়ে উল্লেখ কৰিছো ৷

থেকেৰা টেঙাৰ উপকাৰিতা

এই ফলবিধে আমাক সুস্থ কৰি ৰখাত যথেষ্ট সহায় কৰে ৷ একে সময়তে তলত উল্লেখ কৰা সমস্যাসমূহৰ সন্মুখীন হ’লে গাৰ্চিনিয়া কেম্ব’জিয়াৰ ব্যৱহাৰ কিছু পৰিমাণে উপকাৰী হ’ব পাৰে ৷ লগতে আপোনালোকক জনাওঁ যে এই ফল কোনো ৰোগৰ চিকিৎসাৰ বিকল্প নহয় ৷

১/ ওজন কমোৱাত সহায়ক

ওজন হ্ৰাসৰ বাবে চাপ্লিমেন্ট আৰু পাউদাৰ গ্ৰহণ কৰাতকৈ ভাল, থেকেৰা টেঙা আপোনাৰ স্বাস্থ্যৰ বাবে অধিক লাভদায়ক ৷ ইয়াত থকা হাইড্ৰক্সিচাইট্ৰিক এচিডে ওজন হ্ৰাস কৰাৰ কাম কৰে ৷ এই বিশেষ উপাদানটোক ওজন কমোৱাৰ বাবে ফলপ্ৰসূ বুলি গণ্য কৰা হয় ৷ কোৱা হয় যে, এই এচিডে শৰীৰৰ এবিধ এনজাইম (এডিন’চিন ট্ৰাইফছফেট-চাইট্ৰেট লাইজ)ক বাধা দি ফেটি এচিড বৃদ্ধিৰ প্ৰক্ৰিয়াটো লেহেমীয়া কৰে ৷ ইয়াৰ ফলত ওজন নিয়ন্ত্ৰণত সহায়ক হ’ব পাৰে ৷ ই কেৱল হ্ৰস্বম্যাদী ওজন কমাবলৈহে সহায়ক কৰিব পাৰে, কিন্তু এই বিষয়ত অধিক গৱেষণাৰ প্ৰয়োজন ৷

২/ অন্ত্ৰৰ সমস্যাত উপকাৰী

অন্ত্ৰ সুস্থ নোহোৱাৰ বাবে অন্ত্ৰৰ সৈতে জড়িত বহুতো সমস্যা যেনে প্ৰদাহজনিত অন্ত্ৰৰ ৰোগ, ক্ৰ’ন’ছ ডিজিজ আৰু অন্ত্ৰৰ আলচাৰ হ’ব পাৰে ৷ একে সময়তে ইয়াৰ বহুতো ঔষধি গুণৰ বাবে থেকেৰা টেঙাই অন্ত্ৰক সুস্থ কৰি ৰাখিব পাৰে ৷ ইয়াতেই ইয়াৰ গেষ্ট্ৰ’প্ৰটেক্টিভ আৰু এন্টি-ইনফ্লেমেটৰী গুণে কাম কৰে ৷ অন্ত্ৰৰ আলচাৰত আক্ৰান্ত এন্দুৰৰ ওপৰত লেবত কৰা গৱেষণাৰ পৰা দেখা গৈছে যে ইয়াৰ সেৱনে এন্দুৰৰ অন্ত্ৰত হোৱা ক্ষতি ৰোধ কৰাত সহায় কৰে ৷

৩/ হৃদৰোগৰ পৰা ৰক্ষা কৰে

থেকেৰা টেঙাৰ সুবিধাই হৃদৰোগৰ পৰাও ৰক্ষা কৰাত সহায় কৰিব পাৰে ৷ শৰীৰত কলেষ্টেৰলৰ মাত্ৰা বৃদ্ধি হ’লে হৃদৰোগকে ধৰি বহুতো ৰোগ হ’ব পাৰে ৷ এনে পৰিস্থিতিত ইয়াৰ পৰা হাত সাৰিবলৈ থেকেৰা টেঙা অতি লাভদায়ক ৷ থেকেৰা টেঙাত উপস্থিত গাৰ্চিনল এটা ফলপ্ৰসূ এন্টিঅক্সিডেন্ট, যিয়ে বেয়া কলেষ্টেৰল অক্সিডাইজ কৰে আৰু ইয়াক নিয়ন্ত্ৰণ কৰাত সহায় কৰিব পাৰে ৷

৫/ কৰ্কট ৰোগত থেকেৰা টেঙাৰ উপকাৰিতা

কেন্সাৰ প্ৰতিৰোধৰ বাবে আয়ুৰ্বেদিক চিকিৎসাৰ কথা আহিলে থেকেৰা টেঙা ব্যৱহাৰ কৰিব পাৰে ৷ এক গৱেষণাৰ পৰা দেখা গৈছে যে এই ফলত এন্টি-প্ৰলিফেৰেটিভ আৰু এন্টি-কেন্সাৰ গুণ আছে, যিয়ে কিছুমান প্ৰকাৰৰ কেন্সাৰ কোষ (CaCo2 আৰু HeLa কাৰ্চিনোমা কোষ)ৰ বৃদ্ধি ৰোধ কৰিব পাৰে ৷

লগতে পঢ়ক:Iodine Deficiency: আয়’ডিন আমাৰ বাবে কিয় প্ৰয়োজনীয়; আয়’ডিনৰ অভাৱ হ’লে শৰীৰত কেনেধৰণৰ সমস্যাৰ সৃষ্টি হ’ব পাৰে ?