পুৱা খালী পেটত গ্ৰহণ কৰক এইবিধ কিচমিচ; লাভ কৰিব এই উপকাৰিতা

শীতকালত কিচমিচৰ দৰে দেখাত এইবিধ শুকান ফল খালে দূৰ হ’ব শৰীৰৰ ৰক্তহীনতা । ইয়াৰ আন বহুতো উপকাৰিতা আছে । কিন্তু ইয়াক গ্ৰহণ কৰাৰ উত্তম উপায় আৰু সময় কি জানেনে ?

বতৰ ঠাণ্ডা হোৱাৰ লগে লগে আমাৰ শৰীৰক ফিট হৈ থাকিবলৈ পৰ্যাপ্ত পুষ্টিৰ প্ৰয়োজন হয় ৷ দৰাচলতে বিশেষজ্ঞসকলৰ মতে এই ঋতুত এনেধৰণৰ বস্তু খাব লাগে যিয়ে শৰীৰৰ উষ্ণতা আৰু ৰোগ প্ৰতিৰোধ ক্ষমতা বৃদ্ধি কৰে ৷ ইয়াত শুকান ফল আটাইতকৈ উপযোগী আৰু শুকান ফলৰ ভিতৰত মুনাক্কা, যাক ক’লা কিচমিচ বুলিও কোৱা হয়, ই স্বাস্থ্যৰ বাবে আটাইতকৈ উপকাৰী ৷ যদি আপুনি নাজানে, তেন্তে আপোনালোকক জনাই দিও যে মুনাক্কা দেখাত কিচমিচৰ দৰে, কিন্তু কিচমিচতকৈ ই বহুত বেলেগ ৷

• প্ৰথমে জানি লওক মুনাক্কা কি ?

মুনাক্কা হৈছে ক’লা আঙুৰৰ শুকান প্ৰকাৰ, যিটো পৰম্পৰাগতভাৱে ঠাণ্ডা বতৰত ৰোগ প্ৰতিৰোধ ক্ষমতা বৃদ্ধি আৰু বিপাকীয় স্বাস্থ্য উন্নত কৰাৰ বাবে ব্যৱহাৰ কৰা হয় ৷ ইয়াত আঁহ, ভিটামিন চি, জিংক, ফছফৰাছ, আইৰণ, মেগনেছিয়াম, কেলচিয়াম, পটাছিয়াম আৰু ৰাইবোফ্লেভিন, থাইয়ামিন আদি এন্টিঅক্সিডেন্ট ভালে পৰিমাণে পোৱা যায় ৷ মুনাক্কাত ঘনীভূত পুষ্টিকৰ উপাদান আৰু ফ্ৰুক্ট’জ থাকে, যাৰ ফলত এই শুকান ফল ক’লা আঙুৰতকৈ অধিক স্বাস্থ্যকৰ হয় ৷ কিচমিচৰ দৰে দেখা এই শুকান ফলবিধ শীতকালত দৈনিক খালে বহু উপকাৰিতা সাধন হয় ৷

• মুনাক্কা কিয় খাব লাগে ?

আয়ুৰ্বেদৰ মতে, মুনাক্কাৰ প্ৰয়োগ ইয়াৰ শক্তিশালী স্বাস্থ্য উপকাৰিতা আৰু নাইট্ৰিক অক্সাইডৰ উপস্থিতিৰ বাবে কৰা হয়, যিয়ে ৰক্তবাহী নলী বহল কৰাত সহায় কৰে যিয়ে ৰক্তবাহী নলীৰ মাধ্যমেৰে ভালদৰে ৰক্ত সঞ্চালন হোৱাটো নিশ্চিত কৰে ৷ ই ৰক্তচাপ হ্ৰাস কৰে, উশাহ-নিশাহ উন্নত কৰে আৰু সমগ্ৰ শৰীৰৰ ৰোগ প্ৰতিৰোধ ক্ষমতা বৃদ্ধি কৰাত সহায় কৰে ৷ জানো আহক ইয়াৰ অন্যান্য উপকাৰিতাসমূহ-

• এন্টিঅক্সিডেন্টযুক্ত

সতেজ আঙুৰৰ দৰে মুনাক্কাতো ফ্লেভন’ইড আৰু পলিফিনলৰ দৰে এন্টিঅক্সিডেন্ট থাকে ৷ এই যৌগবোৰে ফ্ৰী ৰেডিকেলৰ ফলত হোৱা অক্সিডেটিভ ক্ষতিৰ পৰা কোষক ৰক্ষা কৰাত সহায় কৰিব পাৰে ৷

• হজম শক্তি উন্নত কৰে

মুনাক্কাত প্ৰচুৰ পৰিমাণে আঁহ থাকে৷ সেয়ে ইয়াক খালে পাচনতন্ত্ৰ উন্নত হয় ৷

• শৰীৰত তেজৰ অভাৱ হ’বলৈ নিদিয়ে

মুনাক্কাত প্ৰচুৰ পৰিমাণে আইৰণ থাকে ৷ গতিকে কাৰোবাৰ হিম’গ্লবিনৰ মাত্ৰা কম হ’লে তেওঁ দৈনিক কিচমিচ খাব লাগে ৷ ইয়াৰ লগে লগে তেজৰ অভাৱ সোনকালে সমাধান হয় ৷

• খাবলৈ সৰ্বোত্তম সময় আৰু সঠিক উপায়

নিশা শুবলৈ যোৱাৰ আগতে এগিলাচ গাখীৰত ৫ৰ পৰা ৭টা মুনাক্কা উতলাই খাব লাগে ৷ এনে কৰিলে আপোনাৰ টোপনি ভাল হয় ৷ কেৱল এয়াই নহয়, শৰীৰে ইয়াৰ পৰা সম্পূৰ্ণ সুফল লাভ কৰে ৷

ইয়াৰ উপৰিও মুনাক্কা নিশা পানীত তিয়াই পুৱা খালী পেটত খাবও পাৰে ৷ মুনাক্কাৰ পানী পেলাই নিদিব ৷ সেয়াও পান কৰক৷ ইয়াৰ বহু উপকাৰিতা আছে ৷

লগতে পঢ়ক:কম বয়সতে হ’ব পাৰে হৃদআক্ৰমণ; এনেদৰে ৰাখক নিজৰ স্বাস্থ্যৰ যত্ন