নৱজাতকৰ বাবে মাতৃৰ গাখীৰেই হৈছে আটাইতকৈ উত্তম খাদ্য ৷ শিশুটোৰ সুস্থ বিকাশ আৰু শৰীৰে লাগতিয়াল পুষ্টি লাভৰ বাবে মাতৃৰ গাখীৰ অতি উপকাৰী বুলি গণ্য কৰা হয় ৷ সেয়েহে বিশেষজ্ঞসকলেও শিশুক ছয় মাহলৈ কেৱল মাতৃৰ গাখীৰ খুওৱাৰ পৰামৰ্শ দিয়ে ৷ ছয় মাহৰ পিছত শিশুটোক সহজে হজম কৰিব পৰা খাদ্য দিয়া উচিত ৷ ইয়াৰ লগতে সুস্বাস্থ্য বজাই ৰখাৰ বাবে তেওঁলোকক ভিটামিন আৰু খনিজ পদাৰ্থ সমৃদ্ধ খাদ্য খাবলৈ দিয়াটোও খুবেই দৰকাৰী ৷ বিশেষকৈ যদি প্ৰথমবাৰৰ বাবে পিতৃ-মাতৃ হৈছে, তেনেহ’লে আপুনি ছয়মহীয়া শিশুটিক কি খাদ্য খুৱাব সেয়া ভালদৰে জনা উচিত ৷ আজি এই বিষয়ে জানো আহক-
আপেল পিউৰী
শিশুটিৰ বয়স ছয়মাহ হোৱাৰ পাছত আপুনি তেওঁলোকক আপেল পিউৰী খুৱাব পাৰে ৷ আপেল পিউৰী খনিজ আৰু পুষ্টিৰে সমৃদ্ধ ৷ সেয়েহে আপুনি ইয়াক শিশুটিৰ দৈনিক খাদ্য তালিকাত অন্তৰ্ভূক্ত কৰিব পাৰে ৷ এই পিউৰীৰ বাবে এটা আপেলৰ বাকলি গুচাই সৰু টুকুৰা কৰি ভাপত অলপ সিজাই ল'ব ৷ ইয়াৰ পাছত ভালদৰে পিটিকি শিশুটিক খুৱাবলৈ যত্ন কৰিব ৷
ব্ৰকলী পিউৰী
ব্ৰকলী বহু পুষ্টিৰে সমৃদ্ধ ৷ ইয়াত বিভিন্ন প্ৰকাৰৰ ভিটামিন আৰু খনিজ থাকে ৷ সেয়েহে ই শিশুৰ স্বাস্থ্যৰ বাবে খুব উপকাৰী ৷ এটা ব্ৰকলী সৰু সৰকৈ কাটি জোখমতে নিমখ আৰু হালধি দি ভাজি ল'ব ৷ তাৰ পাছত ভজা ব্ৰকলীখিনি ভালদৰে মিক্সাৰত পিছি লৈ শিশুক খুৱাব পাৰিব ৷ আনহাতে, শিশুৰ আন খাদ্যৰ লগতো এই পিউৰী মিহলি কৰি শিশুক খুৱাব পাৰে ৷
মগু দাইলৰ খিচিৰি