প্ৰচণ্ড গৰমৰ পৰা ৰক্ষা পাবলৈ প্ৰায় সকলোৱেই বিচাৰে শীতল পানীয় ? বজাৰত উপলব্ধ বেছিভাগ শীতল পানীয়ই তৎক্ষণাৎ আমাৰ দেহক গৰমৰ পৰা সকাহ দিয়ে আৰু আমাৰ তৃষ্ণা নিবাৰণ কৰে ৷ কিন্তু সেইবোৰত মাত্ৰাধিক পৰিমাণত চেনী থাকে ৷ যদিওবা সেইবোৰে আমাৰ পিয়াহ দূৰ কৰে, সোৱাদ দিয়ে তথাপিও সেইবোৰ আমাৰ স্বাস্থ্যৰ বাবে অতি ক্ষতিকাৰক । সেয়েহে, তাপমাত্ৰা যিমানেই বৃদ্ধি নহওক, চিকিৎসকে সদায়ে এইবোৰ পৰিহাৰ কৰাৰ পৰামৰ্শ দিয়ে ।
মুম্বাইস্থিত এজন ডায়েটিচিয়ান আৰু পুষ্টিবিদ ৰাছেল জৰ্জে কৈছে যে মানুহে কৃত্ৰিম ৰং তথা বিভিন্ন প্ৰকাৰৰ সোৱাদ পোৱা অতিমাত্ৰা চেনী যুক্ত পানীয় বা এনে ধৰণৰ অন্যান্য উপাদান গ্ৰহণ কৰাৰ পৰা বিৰত থাকিব লাগে (What to eat during summer) ৷ কিয়নো এইবোৰে হাঁড়, হজমশক্তি, যকৃত, হৃদযন্ত্ৰৰ সমস্যা সৃষ্টি কৰাৰ লগতে সমগ্ৰ দেহৰে ক্ষতি সাধন কৰে ৷
সতেজ আৰু প্ৰাকৃতিক শীতল পানীয় গ্ৰহণ কৰক
ৰাছেলে উল্লেখ কৰে যে ওপৰত উপৰোক্ত পানীয়ৰ পৰিৱৰ্তে পুষ্টিকৰ আৰু প্ৰাকৃতিক পানীয় গ্ৰহণ কৰাটো স্বাস্থ্যৰ পক্ষে ভাল ৷ প্ৰাকৃতিক শীতল পানীয়ই শৰীৰটোক কেৱল হাইড্ৰেট কৰাই নহয় বৰঞ্চ বিভিন্ন দিশৰ পৰা স্বাস্থ্যক যথেষ্ট লাভান্বিতও কৰে (Refreshing and healthy summer drinks)।
আমাৰ বিশেষজ্ঞই পৰামৰ্শ দিয়া কিছুমান শীতল পানীয়ৰ বিষয়ে (How to stay cool in summers) এই লিখনিটোৰ জৰিয়তে আগবঢ়ালো
সতেজ ফলৰ ৰস
ৰাছেল জৰ্জে কৈছে যে বতৰ যিয়েই নহওক, সতেজ ফলৰ ৰস স্বাস্থ্যৰ বাবে অতি উপকাৰী । বতৰৰ ফলৰ পৰা তৈয়াৰ কৰা ৰস, বিশেষকৈ বতৰৰ ফলৰ পৰা তৈয়াৰ কৰা স্মুদি আৰু শ্বেক অত্যন্ত পুষ্টিকৰ (Summer drink ideas) । গ্ৰীষ্মকালত তৰমুজৰ ৰস, বেল চৰবত, নেমুৰ মিঠা চৰবত আৰু তেনে ধৰণৰ অন্যান্য পানীয়ে ভিটামিন, খনিজ, এণ্টিঅক্সিডেণ্ট আৰু এনে ধৰণৰ অন্যান্য অত্যাৱশ্যকীয় পুষ্টি প্ৰদান কৰে । এইবোৰে শৰীৰক হাইড্ৰেট কৰাৰ লগতে শৰীৰৰ ৰোগ প্ৰতিৰোধ ক্ষমতা আৰু বিপাক বৃদ্ধি কৰে ৷ লগতে গ্ৰীষ্মকালত হিটষ্ট্ৰোকৰ দৰে সমস্যাৰ পৰাও সুৰক্ষিত কৰে ।
লাচি আৰু বাটাৰ মিল্ক
মিঠা লাচি আৰু নিমখযুক্ত বাটাৰ মিল্কো বিভিন্ন ধৰণে স্বাস্থ্যৰ বাবে উপকাৰী । দুয়োটা দৈৰে তৈয়াৰ কৰা হয়, সেয়েহে সেইবোৰৰ প্ৰ’-বায়’টিক গুণাগুণ আছে । এইবোৰত বহুতো পুষ্টি, ভিটামিন এ, চি, ই, খনিজ আৰু এণ্টিঅক্সিডেণ্ট গুণাগুণ থাকে ।
নাৰিকল পানী
নাৰিকল পানী সকলো ঋতুৰ বাবে এক আদৰ্শ পানীয় বুলি গণ্য কৰা হয় আৰু ই বহুতো স্বাস্থ্য উপকাৰীতাৰ বাবে জনাজাত । ই মেগনেছিয়াম, পটাছিয়াম আৰু ভিটামিন চি ৰ দৰে পুষ্টিৰে সমৃদ্ধ । ই কেৱল শৰীৰ শীতল কৰাত সহায় নকৰে, লগতে হজম প্ৰক্ৰিয়াকে ধৰি বিভিন্ন ধৰণে স্বাস্থ্য বজাই ৰখাত সহায় কৰে । যিহেতু ইয়াত কম পৰিমাণৰ কেলৰি থাকে, ই ওজন হ্ৰাসৰ বাবে উপকাৰী ।