30 শতাংশ গৰ্ভধাৰণৰ অন্তিম ফলাফল হৈছে গৰ্ভপাত (Miscarriage reasons in pregnancy) । ইয়াক গৰ্ভাৱস্থাৰ 20 সপ্তাহ আগতে গৰ্ভধাৰণ হেৰুওৱা বুলি কোৱা হয় ৷ গৰ্ভপাত কিয় হয় সেয়া এতিয়াও জানিব পৰা হোৱা নাই ৷ কিন্তু এই গৰ্ভপাতৰ কেইটামান কাৰণ সাধাৰণতে জনা যায় যিকেইটা গৰ্ভপাতৰ পিছত মানসিক চাপ, হতাশা আৰু উদ্বেগৰ কাৰণো হ'ব পাৰে ।
শেহতীয়াকৈ, বষ্টন ইউনিভাৰ্চিটি স্কুল অৱ পাব্লিক হেল্থৰ গৱেষকসকলে গৰ্ভপাতৰ ওপৰত ঋতুগত প্ৰভাৱ আছে নেকি তাৰ ওপৰত এক পৰীক্ষা চলাইছিল । তেওঁলোকে দেখা পাইছিল যে উত্তৰ আমেৰিকাৰ গৰ্ভৱতী মহিলা সকলৰ মাজত (গৰ্ভধাৰণৰ আঠ সপ্তাহৰ ভিতৰত) আগষ্টৰ শেষৰ ফালে, অৰ্থাৎ গ্ৰীষ্মৰ মাহত গৰ্ভপাতৰ আশংকা প্ৰায় 44 শতাংশ অধিক হয় ।
যদি ফেব্ৰুৱাৰীৰ যিকোনো সপ্তাহত আগষ্টৰ যিকোনো এক সপ্তাহৰ সৈতে গৰ্ভপাতৰ আশংকাৰ মাজত তুলনা কৰা হয়, তেনেহ'লে দেখা যাব যে আগষ্টৰ যিকোনো সপ্তাহত বিপদাশংকা 31 শতাংশ অধিক । ভৌগোলিকভাৱে, ফলাফলবোৰে দেখুৱাইছিল যে দক্ষিণ আৰু মধ্যপশ্চিমৰ গৰ্ভৱতী লোকসকল, য'ত গ্ৰীষ্মৰ দিনত উৎকট গৰম হয়, ক্ৰমান্বয়ে আগষ্টৰ শেষৰ ফালে আৰু ছেপ্টেম্বৰৰ আৰম্ভণিতে এই গৰ্ভপাতৰ সন্মুখীন হোৱাৰ সম্ভাৱনা অধিক আছিল ( Miscarriage in summer season) ।
অধ্যয়নটোৰ মুৰব্বী আৰু অধ্যাপক ডাঃ এমেলিয়া ৱেচেলিংকে এইদৰে কৈছিল: "আমি দেখিছিলো যে গৰ্ভপাতৰ আশংকা, বিশেষকৈ 'আগতীয়া' গৰ্ভপাতৰ আশংকা (গৰ্ভধাৰণৰ আঠ সপ্তাহৰ আগতে) গ্ৰীষ্মকালত সৰ্বাধিক আছিল । এতিয়া গ্ৰীষ্মকালত কেনে ধৰণৰ এক্সপোজাৰ বেছি হয় বুজিবলৈ আমাক অধিক গৱেষণাৰ প্ৰয়োজন ৷ এই গৱেষণাই গৰ্ভপাতৰ বৰ্ধিত বিপদাশংকাৰ কাৰণ জনাত আমাক সহায় কৰিব পাৰে"( What causes miscarriage) ৷
সামাজিক জনগাঁথনি, জীৱনশৈলী আৰু চিকিৎসা ইতিহাসৰ ওপৰত আধাৰ কৰি, গৱেষকসকলে 6,104 জন অংশগ্ৰহণকাৰী বাছনি কৰিছিল যিসকলে নামভৰ্তিৰ 12 মাহৰ ভিতৰত গৰ্ভধাৰণ কৰিছিল । তেওঁলোকক গৰ্ভধাৰণ অধ্যয়ন অনলাইনৰ জৰিয়তে যোগাযোগ কৰা হৈছিল আৰু তেওঁলোকে গৰ্ভপাত আৰু আন সকলো গুৰুত্বপূৰ্ণ তথ্য গৱেষকসকলক দিছিল ।
গৱেষকসকলে অনুমান কৰে যে উত্তাপ গৰ্ভপাতৰ বিপদাশংকা বৃদ্ধি হোৱাৰ কাৰণ হ'ব পাৰে ৷ কিন্তু ডাঃ এমেলিয়া ৱেচেলিংকে ভাবে যে, এই ক্ষেত্ৰত অধিক গৱেষণাৰ প্ৰয়োজন ৷ কিছুমান অধ্যয়নে এইটোও পৰীক্ষা কৰিছে যে তাপ আৰু গৰ্ভপাতৰ বিপদাশংকাৰ মাজত সম্পৰ্ক (Risk of miscarriage) থাকিব পাৰে নেকি ? এই বিষয়ে নিশ্চিত হ’বলৈ অধিক গৱেষণাৰ প্ৰয়োজন ।" গৱেষক ৱেচলিংকে লগতে অনুভৱ কৰে যে এই বিষয়টোত পৰিৱেশ বিজ্ঞানীসকলৰ সৈতে চৰকাৰী নীতি স্থাপন কৰাটো প্ৰয়োজন ।
লগতে পঢ়ক:ক’ভিডত আক্ৰান্ত অৱস্থাত গৰ্ভধাৰণ কৰিলে থাকে বিপদৰ আশংকা
