শীতকাল লাহে লাহে ওচৰ চাপিছে ৷ এই পৰিৱৰ্তিত বতৰত ভাইৰাছৰ সংক্ৰমণৰ সম্ভাৱনা যথেষ্ট বৃদ্ধি পায়, যাৰ বাবে কাঁহ-চৰ্দিৰ লগতে হাঁচিৰ আশংকাও বৃদ্ধি পায় ৷ হাঁচিৰ বাবে আপুনি প্ৰায়ে নিজৰ কামত মনোনিৱেশ কৰিব নোৱাৰে আৰু আপোনাৰ ওচৰ-চুবুৰীয়া লোকসকলো এই ৰোগৰ আশংকাত ভুগিবলগীয়া হয় ৷ সেয়ে অত্যধিক হাঁচি মাৰিলে আপুনি কি ঘৰুৱা উপায় ব্যৱহাৰ কৰিব পাৰে জানি লওক-
হাঁচিৰ পৰা মুক্তি পাবলৈ ঘৰুৱা উপায়
১/ আদাৰ চাহ
আদা চাহত বহুতো আয়ুৰ্বেদিক গুণ আছে, যিয়ে হাঁচি আৰু ইয়াৰ লক্ষণসমূহ হ্ৰাস কৰাত সহায় কৰে ৷ এইবিধ বনৌষধি চাহ সাধাৰণ দিনত ২৪ ঘন্টাত দুবাৰকৈ খাব পাৰে ৷
২/ হালধিৰ গাখীৰ
হালধিত প্ৰদাহ নিবাৰণকাৰী গুণ পোৱা যায় আৰু গাখীৰৰ লগত মিহলাই খালে হাঁচিৰ পৰা বহু পৰিমাণে সকাহ পাব ৷ হালধিৰ গাখীৰ স্বাস্থ্যৰ বাবে অতি উপকাৰী বুলি বিবেচিত হয় ৷
৩/ জিৰণি লওক
হাঁচি বা যিকোনো ধৰণৰ ভাইৰাছৰ সংক্ৰমণ হ’লে নিজকে জিৰণি দিয়াটো অতি প্ৰয়োজনীয়, প্ৰায়ে আমি জিৰণিৰ অভাৱত অধিক বেমাৰত পৰিবলৈ আৰম্ভ কৰো ৷ জিৰণি ল’লে শৰীৰে হাঁচিৰ বিৰুদ্ধে যুঁজিবলৈ শক্তি লাভ কৰে ৷
৪/ চাবোনেৰে হাত আৰু মুখ ধোৱা
হাঁচি আৰু চৰ্দি ভাইৰাছ মানুহৰ পৰা মানুহৰ সংস্পৰ্শৰ জৰিয়তে বিয়পিব পাৰে সেয়ে চৰ্দি হোৱাৰ সময়ত কাৰোবাক স্পৰ্শ কৰাৰ পূৰ্বে সদায় চাবোনেৰে হাত ধুব লাগে আৰু ভালদৰে চেনিটাইজ কৰিব লাগে ৷
৫/ ভাপ
যুগ যুগ ধৰি কাহ, চৰ্দিৰ সময়ত ভাপৰ চিকিৎসা ব্যৱহাৰ কৰি অহা হৈছে ৷ ইয়াৰ বাবে এটা বাটিত পানী উতলাই তাত বাম অলপ দিব ৷ এতিয়া মূৰত টাৱেল এখন ৰাখি যিমান পাৰি ভাপৰ গোন্ধ ল’বলৈ চেষ্টা কৰক ৷ ই আপোনাক যথেষ্ট সকাহ দিয়ে ৷
৬/ তুলসীৰ পাত চোবাই খাব লাগে
তুলসীৰ গছ ভাৰতৰ বেছিভাগ ঘৰতে পোৱা যায়, যদি আপুনি হাঁচি মাৰি অসুবিধা পায় তেন্তে ইয়াৰ পাত চোবাই খাওক বা ইয়াৰ সহায়ত বনৌষধি চাহ প্ৰস্তুত কৰক আৰু দিনটোত ২ৰ পৰা ৩ বাৰ পান কৰক, ই ৰোগ প্ৰতিৰোধ ক্ষমতা বৃদ্ধিৰ কাম কৰে ৷
৭/ গৰম পানী আৰু নিমখ দি গাৰ্গল কৰক
যেতিয়া হাঁচি বন্ধ নহয় তেতিয়া এগিলাচ গৰম পানীত আধা চামুচ নিমখ মিহলাই গাৰ্গল কৰক ৷ ইয়াৰ ফলত ডিঙিৰ বিষ কমি যায় আৰু হাঁচিৰ পৰা সকাহ পোৱা যায় ৷ দিনটোত কেইবাবাৰো এই কাম কৰিব পাৰে ৷
লগতে পঢ়ক:Water Drinking Mistake: আপুনিও পানী খোৱাৰ সময়ত কৰে নেকি এই ভুল ? তেন্তে আজিয়েই শুধৰাওক এই ভুল
