হাৰ্ট এটেকৰ ঘটনাবোৰ এতিয়া সমগ্ৰ দেশজুৰি ভয়াৱহভাৱে বৃদ্ধি পাবলৈ ধৰিছে ৷ হাৰ্ট এটেকৰ ফলত যিকোনো বয়সৰ লোকে যিকোনো সময়তে অকাল মৃত্যুক সাৱটিবলগীয়া হৈছে ৷ অৱশ্যে, হৃদৰোগ বৃদ্ধি পোৱাৰ বহু কাৰণো আছে ৷ তাৰ ভিতৰত অস্বাস্থ্যকৰ জীৱনশৈলীয়েই হৈছে ইয়াৰ মূল কাৰণ ৷
হয়, অত্যাধিক জাংক ফুড আৰু নিমখ খোৱাৰ ফলত হৃদৰোগীৰ সংখ্যা তীব্ৰ হাৰত বৃদ্ধি পাইছে ৷ যদি শৰীৰত ছডিয়ামৰ পৰিমাণ অধিক হয়, তেনেহ'লে ই হৃদযন্ত্ৰৰ ক্ষতি কৰে ৷ বিশ্ব স্বাস্থ্য সংস্থাৰ এক প্ৰতিবেদন কোৱা হৈছে যে আমি পৰাপক্ষত নিমখ কম পৰিমাণে খোৱাটো উচিত কাৰণ আমি নজনাকৈয়ে নিমখে আমাৰ শৰীৰৰ যথেষ্ট ক্ষতিসাধন কৰে ৷
বিশ্ব স্বাস্থ্য সংস্থাৰ প্ৰতিবেদনৰ মতে, নিমখ বেছিকৈ খোৱা লোকসকলৰ হৃদযন্ত্ৰৰ সমস্যা আৰু হৃদআক্ৰমণৰ আশংকাও বৃদ্ধি হয় ৷ বহুলোকৰ মনত এটা প্ৰশ্ন থাকিব যে ছডিয়ামৰ সৈতে হৃদযন্ত্ৰৰ স্বাস্থ্যৰ সম্পৰ্ক কি ?
বিশেষজ্ঞসকলৰ মতে, হাৰ্ট এটেকৰ অন্যতম কাৰক আন কিছুমান আনুসাংগিক ৰোগ ৷ অত্যাধিক নিমখ খোৱাৰ ফলত উচ্চ ৰক্তচাপ হয় ৷ ই হৃদযন্ত্ৰৰ ধমনীত তেজৰ সঞ্চালন বৃদ্ধি কৰে ৷ ইয়াৰ বাবে হৃদযন্ত্ৰ প্ৰভাৱিত হয় আৰু হাৰ্ট এটেকৰ আশংকা বৃদ্ধি হয় ৷সেয়েহে, সাধাৰণ লোকৰ লগতে ৰক্তচাপত আক্ৰান্ত লোকসকলকো যিমান পাৰি সিমান কম নিমখ খাবলৈ বিশেষজ্ঞসকলে পৰামৰ্শ দিয়ে ৷ মনত ৰাখিব যে, দৈনিক খুব বেছি মাত্ৰ ৫ গ্ৰামহে নিমখ খাব লাগে ৷ বিশ্ব স্বাস্থ্য সংস্থাই লোকসকলক স্বাস্থ্যৱান হৃদযন্ত্ৰৰ বাবে প্ৰতিদিনে ৫ গ্ৰামতকৈ অধিক ছডিয়াম নাখাবলৈ পৰামৰ্শ দিছে ৷
জনাই দিও যে, প্ৰচেছড আৰু ৰেষ্টুৰেণ্টৰ খাদ্যৰ পৰা ছডিয়াম গ্ৰহণে উচ্চ ৰক্তচাপ, হাৰ্ট এটেক, ষ্ট্ৰোকৰ সম্ভাৱনা যথেষ্ট বৃদ্ধি পায় । যিহেতু প্ৰতি বছৰে প্ৰায় ৫ লাখ লোকৰ মৃত্যুৰ কাৰণ উচ্চ ৰক্তচাপৰ সৈতে জড়িত, গতিকে ছডিয়ামৰ পৰিমাণ হ্ৰাস কৰিলে বছৰি হাজাৰ হাজাৰ লোকৰ মৃত্যু ৰোধ কৰিব পৰা যাব ।
লগতে পঢ়ক:Appendix: এপেন্ডিচাইটিছ ৰোগ কি, ইয়াৰ কাৰণ আৰু চিকিৎসা কি ?
