মধুৰীআমৰ পাতৰ উপকাৰিতাৰ বিষয়ে আপুনি জানেনে ? ডায়েবেটিছ আক্ৰান্ত ৰোগীৰ বাবে এই পাত যথেষ্ট উপকাৰী । মধুৰীআমৰ পাত চাহৰ সৈতে মিহলাই সেৱন কৰিলে বহু ৰোগৰ পৰা উপশম পাব পাৰি ৷ মধুৰীআমৰ পাতত চজিনা পাতৰ দৰেই বিভিন্ন গুণাগুণেৰে ভৰপূৰ বুলি কোৱা হয় । বিশেষজ্ঞৰ মতে মধুৰীআমৰ পাত চাহৰ সৈতে খালে ডায়েবেটিছ ৰোগ হ্ৰাস পায় । অৱশ্যে এদিন দুদিন নহয়, একেৰাহে তিনি মাহ খালেহে ই লাভদায়ক হ’ব ৷
মধুৰীআমৰ কোমল পাতৰ ৰস খালেও ডায়েবেটিছ ৰোগ উপশম হয় । সাধাৰণতে মানসিক চাপৰ পৰা হৃদৰোগ হয় বুলি ভবা হয় ৷ সেয়ে হাৰ্ট ষ্ট্ৰোকৰ পৰা হাত সাৰিবলৈ মধুৰীআমৰ পাতৰ ৰস নিয়মিত খাওঁক । আনহাতে কেন্সাৰ ৰোগীক এই পাতৰ ৰস খুৱালে কেন্সাৰৰ কোষ গঠন প্ৰক্ৰিয়া বন্ধ হয় বুলি কোৱা হয় ৷ বিশেষকৈ ই ব্ৰেষ্ট কেন্সাৰৰ বাবে উপকাৰী । পেটৰ আলচাৰ, গ্ৰহণী, পেটৰ বিষ, ডায়েৰীয়া আদিত কোমল মধুৰীআমৰ পাতৰ ৰস মহৌষধ স্বৰূপ ।