Mustard seeds: স্বাস্থ্যৰ তথা ছালৰ বাবে এইসমূহ উপকাৰিতা কঢ়িয়াই আনে সৰিয়হৰ গুটিয়ে

সৰিয়হৰ গুটিয়ে খাদ্যৰ সোৱাদ বৃদ্ধি কৰাই নহয় স্বাস্থ্যৰ বাবেও অতি উপকাৰী । এই সৰু সৰু শস্যবোৰ ব্যৱহাৰ কৰি শাক-পাচলিৰ তৰকাৰী আৰু আন বহুতো ৰেচিপিত সোৱাদ যোগ কৰা হয় । প্ৰতিটো ভাৰতীয় পাকঘৰতে সৰিয়হৰ গুটি সহজে উপলব্ধ । এই বীজবোৰে খাদ্য সোৱাদযুক্ত কৰাৰ উপৰিও স্বাস্থ্য সম্পৰ্কীয় বহু সমস্যাও আঁতৰাই পেলায় ।

খাদ্যত ব্যৱহৃত বিশেষ মছলাৰ ভিতৰত পুষ্টিকৰ সৰিয়হৰ গুটি অন্যতম ৷ ইয়াক প্ৰায়েই খাদ্যত সোৱাদ যোগ কৰিবলৈ ব্যৱহাৰ কৰা হয় ৷ বহু ধৰণৰ খাদ্য সোৱাদযুক্ত কৰিবলৈ সৰিয়হৰ গুটি জুতিৰ বাবে ব্যৱহাৰ কৰা হয়, কিন্তু আপুনি জানেনে যে খাদ্যত সোৱাদ যোগ কৰাৰ উপৰিও এই সৰু সৰু গুটিবোৰ আপোনাৰ স্বাস্থ্যৰ বাবেও অতি উপকাৰী ৷ সৰিয়হৰ গুটিত আইৰণ, কেলচিয়াম, চেলেনিয়াম, ফছফৰাছ আদি বহুতো পুষ্টিকৰ উপাদান পোৱা যায় ৷ যিয়ে হাড়ক সুস্থ কৰি ৰাখে আৰু হজম শক্তিৰ বাবেও উপকাৰী ৷ ইয়াৰ বাহিৰেও সৰিয়হৰ গুটিৰ আন বহুতো উপকাৰ আছে ৷ জানো আহক...

সঠিক হজম শক্তি বজাই ৰখাত সহায়ক

পাচনতন্ত্ৰৰ বাবেও সৰিয়হৰ গুটি অতি উপকাৰী ৷ বদহজম সমস্যা থকা লোকৰ বাবে সৰিয়হৰ গুটি ঔষধ ৷ আচলতে এই বীজবোৰত প্ৰচুৰ পৰিমাণে আঁহ থাকে, যিয়ে মলত্যাগ সহজ কৰি তোলাত সহায় কৰে, যাৰ ফলত হজম শক্তি বৃদ্ধি পায় ৷

হাড়ৰ বাবে উপকাৰী

সৰিয়হৰ গুটিয়ে হাড় মজবুত কৰাত সহায় কৰে ৷ ইয়াত চেলেনিয়াম নামৰ খনিজ পদাৰ্থ থাকে, যিয়ে আপোনাৰ হাড়বোৰ শক্তিশালী কৰে ৷ ইয়াৰ উপৰিও এই বীজত থকা এন্টিঅক্সিডেন্ট আৰু এন্টি-ইনফ্লেমেটৰী গুণেও নখ আৰু দাঁতক সুস্থ কৰি ৰাখে ৷

হৃদযন্ত্ৰৰ স্বাস্থ্যৰ উন্নতি সাধন কৰে

প্ৰত্যেক ভাৰতীয় পাকঘৰত সৰিয়হৰ তেল সাধাৰণতে ব্যৱহাৰ কৰা হয় ৷ ই বেয়া কলেষ্টেৰলৰ মাত্ৰা হ্ৰাস কৰে, যাৰ ফলত আপোনাৰ হৃদযন্ত্ৰ সুস্থ হৈ থাকে ৷

মূৰৰ বিষৰ পৰা উপশম পায়

সৰিয়হৰ গুটিত প্ৰচুৰ পৰিমাণে মেগনেছিয়াম থাকে, যাৰ ফলত শৰীৰৰ বিষ আৰু মানসিক চাপৰ পৰা উপশম পোৱা যায় ৷ যদি আপুনি মূৰৰ বিষৰ বাবে অশান্তিত ভুগিছে, তেন্তে সৰিয়হৰ গুটি অতি উপকাৰী বুলি প্ৰমাণিত হ’ব পাৰে ৷

ছালৰ বাবে উপকাৰী

পৰিৱৰ্তিত ঋতুত ছালৰ সমস্যা সাধাৰণতে দেখা যায় ৷ এনে পৰিস্থিতিত আপুনি আপোনাৰ ছালৰ যত্নৰ ৰুটিনত সৰিয়হৰ গুটি অন্তৰ্ভুক্ত কৰিব পাৰে, যিয়ে ছালখনক হাইড্ৰেট কৰে আৰু লগতে ব্ৰণ নিয়ন্ত্ৰণ কৰে ৷ এই বীজবোৰত থকা প্ৰদাহ নিবাৰণকাৰী গুণে প্ৰদাহ কম কৰিব পাৰে ৷

লগতে পঢ়ক:Water Drinking Mistake: আপুনিও পানী খোৱাৰ সময়ত কৰে নেকি এই ভুল ? তেন্তে আজিয়েই শুধৰাওক এই ভুল