খ্ৰীষ্টমাছ হৈছে যীশুৰ জন্মদিন উদযাপনৰ বাবে পালন কৰা এক উৎসৱ ৷ যাৰ খ্যাতি পৃথিৱীৰ প্ৰতিটো কোণত দেখা যায় ৷ কেক কাটি, গীৰ্জালৈ যোৱা, ইজনে সিজনক উপহাৰ দিয়াৰ লগতে এই দিনটোত আন এটা বস্তুৰ বিশেষ গুৰুত্ব আছে আৰু সেয়া হ’ল খ্ৰীষ্টমাছ ট্ৰি, কিন্তু এই দিনটো কিয় পালন কৰা হয় আৰু ইয়াক পালন কৰাৰ আঁৰৰ কাৰণটো জানেনে ? ইয়াৰ আঁৰৰ কাহিনী কি ? যদি আপুনি এই বিষয়ে জ্ঞাত নহয় তেন্তে আজি এই প্ৰতিবেদনত আমি আপোনালোকক ক’ম যে প্ৰতি বছৰে বৰদিন কিয় পালন কৰা হয় ?
কি হয় খ্ৰীষ্টমাছ উৎসৱ ?
খ্ৰীষ্টমাছ দুটা শব্দৰে গঠিত “Christ” আৰু “Mass” ৷ যাৰ অৰ্থ হৈছে যীশু খ্ৰীষ্টৰ পবিত্ৰ মাহ ৷ সমগ্ৰ বিশ্বতে প্ৰতি বছৰে ২৫ ডিচেম্বৰত বৰদিন পালন কৰা হয় ৷ এই দিনটো খ্ৰীষ্টান ধৰ্মৰ প্ৰতিষ্ঠাপক যীশু খ্ৰীষ্টৰ জন্মদিন হিচাপে পালন কৰা হয় ৷ মানুহে এমাহ আগতেই বৰদিনৰ বাবে প্ৰস্তুতি আৰম্ভ কৰে ৷ ইয়াৰ বাবে তেওঁলোকে নিজৰ ঘৰখন বিভিন্ন লাইট, খ্ৰীষ্টমাছ ট্ৰিৰ দ্বাৰা সজাই তোলে ৷
কেৱল এয়াই নহয়, এই দিনটোত বহুতে গ্ৰুপ পাৰ্টিৰ আয়োজন কৰে, য'ত সকলোৱে মিলি মমবাতি জ্বলাই যীশু খ্ৰীষ্টক প্ৰাৰ্থনা কৰে আৰু তাৰ পিছত কেক কাটি এই দিনটো উদযাপন কৰে, গীত গাই, নাচি নাচি আৰু সকলোৰে সৈতে সুস্বাদু ব্যঞ্জন উপভোগ কৰি আনন্দ লয় ৷ এই সকলোবোৰৰ পিছত সৰু ল’ৰা-ছোৱালীয়ে চান্টালৈ অপেক্ষা কৰে আৰু তাৰ পিছত তেওঁলোকৰে এজন চান্টা হৈ পাৰ্টিলৈ অহা সকলো মানুহকে উপহাৰ দিয়ে ৷
এই বৰদিন কিয় পালন কৰা হয় ?
সাধাৰণতে যীশু খ্ৰীষ্টৰ জন্মৰ তাৰিখ বাইবেলত উল্লেখ কৰা হোৱা নাই৷ সেয়েহে কেৱল বিশ্বাসৰ ভিত্তিত ইয়াক উদযাপন কৰা হয় ৷ এই দিনটোত বৰদিন উদযাপনৰ সন্দৰ্ভত মানুহৰ মাজত বহু মতানৈক্য হোৱাও দেখা যায় যদিও খ্ৰীষ্টান ধৰ্মৰ বিশ্বাস অনুসৰি প্ৰভু যীশু খ্ৰীষ্টৰ জন্ম ২৫ ডিচেম্বৰত হৈছিল, সেয়েহে এই দিনটো প্ৰভু যীশু খ্ৰীষ্টৰ জন্মদিন হিচাপে পালন কৰা হয় ।
যীশু খ্ৰীষ্টৰ জন্মৰ সন্দৰ্ভতো বিশ্বাস কৰা হয় যে মাতৃ মৰিয়মে সপোনত যীশুৰ ৰূপত ঈশ্বৰৰ পুত্ৰক গ্ৰহণ কৰিব বুলি ভৱিষ্যদ্বাণী কৰা হৈছিল ৷ ইয়াৰ পিছত তেওঁ গৰ্ভৱতী হয় আৰু তাৰ পিছত ২৫ ডিচেম্বৰত যীশু খ্ৰীষ্টৰ জন্ম হয় ৷
চেইন্ট নিকোলাছৰ পৰা হৈ পৰিল চান্টা ক্লজ
বৰদিনত খ্ৰীষ্টমাছ ট্ৰিৰ বাহিৰেও খুবেই জনপ্ৰিয় হৈছে চান্টাক্লজ । চান্টাক্লজক চেন্ট নিকোলাছৰ এটা ৰূপ বুলি গণ্য কৰা হয় । দৰাচলতে চেইন্ট নিকোলাছৰ সৰুৰে পৰা প্ৰভু যীশুৰ ওপৰত গভীৰ বিশ্বাস আছিল, তাৰ পিছত তেওঁ ডাঙৰ হৈ খ্ৰীষ্টান ধৰ্মৰ যাজক আৰু পিছলৈ বিশ্বপ হৈছিল । চেন্ট নিকোলাছে শিশুক বহুত ভাল পাইছিল, যাৰ বাবে তেওঁ আৰ্ত শিশুক উপহাৰ দিবলৈ গৈছিল । চান্টাই সদায় মাজনিশা সকলো উপহাৰ দিছিল কাৰণ তেওঁ নিজৰ পৰিচয় সকলোৰে আগত প্ৰকাশ কৰিব বিচৰা নাছিল ।
খ্ৰীষ্টমাছ ট্ৰিৰ ইতিহাস
আচলতে খ্ৰীষ্টমাছ ট্ৰিৰ সন্দৰ্ভত বহু ধৰণৰ বিশ্বাস প্ৰচলিত । এটা বিশ্বাস অনুসৰি ইয়াক আৰম্ভ কৰিছিল ষোড়শ শতিকাৰ খ্ৰীষ্টান সংস্কাৰক মাৰ্টিন লুথাৰে । ২৪ ডিচেম্বৰৰ সন্ধিয়া মাৰ্টিন লুথাৰে বৰফৰ অৰণ্যৰ মাজেৰে খোজ কাঢ়ি গৈ থাকোঁতে এজোপা চিৰসেউজ গছ দেখিছিল । গছৰ ডালবোৰ চন্দ্ৰৰ পোহৰেৰে জিলিকি উঠিছিল । ইয়াৰ পিছত মাৰ্টিন লুথাৰেও নিজৰ ঘৰত এই চিৰসেউজ বৃক্ষজোপা ৰোপণ কৰি সৰু সৰু মমবাতিৰে সজাইছিল । ইয়াৰ পিছত যীশু খ্ৰীষ্টৰ জন্মদিনৰ সন্মানত তেওঁ এই চিৰসেউজ গছজোপাকো সজাই মমবাতিৰ পোহৰেৰে এই গছজোপা আলোকিত কৰে । বিশ্বাস কৰা হয় যে তেতিয়াৰ পৰাই বৰদিনৰ বৃক্ষ ৰোপণৰ পৰম্পৰা আৰম্ভ হৈছিল ।
কোৱা হয় যে, খ্ৰীষ্টপূৰ্ব ৩৩৬ চনত যীশু খ্ৰীষ্টৰ অনুগামী প্ৰথম খ্ৰীষ্টান ৰোমান সম্ৰাটে প্ৰথমবাৰৰ বাবে ২৫ ডিচেম্বৰক যীশু খ্ৰীষ্টৰ জন্মদিন হিচাপে পালন কৰিছিল ৷ পিছত কিছু বছৰৰ পাছত পোপ জুলিয়াছেও এই দিনটো যীশু খ্ৰীষ্টৰ জন্মদিন হিচাপে পালন কৰাৰ আনুষ্ঠানিক ঘোষণা কৰে ৷ তেতিয়াৰ পৰাই ২৫ ডিচেম্বৰক যীশু খ্ৰীষ্টৰ জন্মদিন হিচাপে পালন কৰাৰ পৰম্পৰা চলি আহিছে ৷ কিন্তু এই বিষয়ত বিতৰ্ক অব্যাহত আছে যদিও বিশ্বাসৰ ভিত্তিত এই দিনটো বৰদিন হিচাপে পালন কৰা হয় বুলিও সত্য ৷
লগতে পঢ়ক:মহানগৰীত পবিত্ৰ বৰদিনৰ উলাহ : কেৰলৰ ধ্বনিৰে মুখৰিত গীৰ্জা
