আমাক বাৰে বাৰে চাইট্ৰেট খাবলৈ নিষেধাজ্ঞা আৰোপ কৰা হৈছে যদিও বহুলোকেই এই নিচাৰ বলি হৈ পৰিছে ৷ ধঁপাত এই চাইট্ৰেট যথেষ্ট পৰিমাণে পোৱা যায় ৷ চিগাৰেটত থকা ধঁপাতত নিকোটিন নামৰ ৰাসায়নিক পদাৰ্থ এটা পোৱা যায়, যিয়ে মনক সকাহ দিয়ে, কিন্তু এই সকাহ কেৱল ক্ষন্তেক সময়ৰ বাবেহে ৷
তাৰ পিছত একেই কামনাত আপুনি আন এটা চিগাৰেট খায়, তাৰ পিছত লাহে লাহে ই এটি অভ্যাসলৈ পৰিণত হয় ৷ ইয়াৰ বাবেই শাৰীৰিক আৰু মানসিক পৰিৱৰ্তন আহিবলৈ আৰম্ভ কৰে ৷ কিন্তু আপুনি জানেনে যে ই আপোনাৰ বয়স বৃদ্ধিৰ প্ৰক্ৰিয়াও বৃদ্ধি কৰিব পাৰে ? হয় ঠিকেই পঢ়িছে আপোনাৰ অজ্ঞাতে চিগাৰেটে আপোনাৰ বৃদ্ধি কৰিব পাৰে ৷ তলত এই বিষয়ে বিতংভাৱে জানো আহক...
ধূমপানে বয়স বৃদ্ধিৰ প্ৰভাৱ ত্বৰান্বিত কৰে
ইটালীৰ মিলানত অনুষ্ঠিত হোৱা ইউৰোপিয়ান ৰেস্পিৰেটৰী ছ’চাইটি ইণ্টাৰনেশ্যনেল কংগ্ৰেছত (European Respiratory Society International Congress) উপস্থাপন কৰা এক অধ্যয়নত প্ৰকাশ পাইছে যে, ধূমপানে আমাৰ ৰোগ প্ৰতিৰোধ ক্ষমতাৰ সৈতে জড়িত শ্বেত ৰক্তকণিকাৰ ক্ৰম’জমৰ শেষৰ টুকুৰাবোৰ চুটি কৰি পেলায় ৷ এই শেষৰ টুকুৰাবোৰৰ দৈৰ্ঘ্য যাক টেল’মেৰেছ (telomeres) বুলি কোৱা হয় ইয়াৰেই সংকেত দিয়ে যে আমি কিমান সোনকালে বৃদ্ধাৱস্থাৰ দিশে গতি কৰিছো তথা আমাৰ কোষবোৰৰ মেৰামতি আৰু পুনৰুৎপাদন কৰাৰ ক্ষমতা কিমান আছে ৷
চীনৰ হাংঝু নৰ্মেল বিশ্ববিদ্যালয়ৰ স্কুল অৱ ক্লিনিকেল মেডিচিনৰ সহকাৰী অধ্যাপক ছিউ দাইয়ে (Hangzhou Normal University in China)কয়, ‘‘আমাৰ অধ্যয়নে দেখুৱাইছে যে, ধূমপানৰ অৱস্থা আৰু চিগাৰেটৰ পৰিমাণৰ ফলত লিউকোচাইটৰ টেল'মিৰৰ দৈৰ্ঘ্য হ্ৰাস পাব পাৰে, যিয়ে কলাৰ আত্ম-মেৰামতিৰ ক্ষেত্ৰত ব্যাঘাত জন্মাব পাৰে ৷’’ পুনৰুৎপাদন আৰু বয়স বৃদ্ধি, অৰ্থাৎ ধূমপানে বয়স বৃদ্ধিৰ প্ৰক্ৰিয়া ত্বৰান্বিত কৰিব পাৰে, আনহাতে এই নিচা এৰিলে এই আশংকা বহু পৰিমাণে হ্ৰাস পাব পাৰে ৷
প্ৰতিবাৰেই কোষ এটা বিভাজিত হ’লে টেল’মিৰবোৰ অলপ চুটি হৈ পৰে, শেষত ইমানেই চুটি হৈ পৰে যে কোষটো আৰু সফলতাৰে বিভাজিত হ’ব নোৱাৰে আৰু ই মৰি যায় ৷ এয়া বাৰ্ধক্য প্ৰক্ৰিয়াৰ অংশ ৷ লিউকোচাইট নামৰ শ্বেত ৰক্তকণিকা ৷ ধূমপানৰ সৈতে পূৰ্বতে টেল’মিৰৰ দৈৰ্ঘৰ সম্পৰ্ক আছিল যদিও, এতিয়ালৈকে ধূমপান কৰা চিগাৰেটৰ পৰিমাণে প্ৰকৃততে টেল’মিৰৰ দৈৰ্ঘ্য হ্ৰাস কৰে নেকি সেই সম্পৰ্কে গৱেষণা হোৱা নাই ৷
অধ্যাপক ছিউ দাইয়ে কয় যে, ধূমপানে লিউকোচাইটৰ টেল’মিৰৰ দৈৰ্ঘ্য হ্ৰাস কৰিব পাৰে, আৰু যিমানেই বেছি চিগাৰেট খাব সিমানেই ইয়াৰ প্ৰভাৱ গভীৰ হয়, আমাৰ অধ্যয়নে ধূমপানে বয়স বৃদ্ধিৰ কাৰণ বুলি প্ৰমাণ দিয়ে ৷ যিহেতু ধূমপান বন্ধ কৰাৰ স্বাস্থ্যৰ স্পষ্ট উপকাৰ আছে, গতিকে পৰৱৰ্তী প্ৰজন্মৰ বাবে ধূমপান বন্ধ কৰাৰ সমৰ্থনৰ লগতে চিকিৎসাও দৈনিক ক্লিনিকেল মেনেজত অন্তৰ্ভুক্ত কৰাৰ সময় আহি পৰিছে ৷
লগতে পঢ়ক:Xewali flower benefits: আপোনাৰ শৰীৰৰ এইসমূহ ৰোগ নিৰাময়ৰ বাবে সক্ষম শেৱালি ফুল
