যদি আপুনি আপোনাৰ স্বাস্থ্য সুস্থ কৰি ৰাখিব বিচাৰে তেন্তে দৈনিক খোৱা আৰম্ভ কৰক গাখীৰ । গাখীৰত কেলচিয়াম, প্ৰটিন, ভিটামিন এ, কে, ডি আৰু আই, ফছফৰাছ, মেগনেছিয়াম আৰু আয়’ডিনকে ধৰি বহুতো পুষ্টিকৰ উপাদান থাকে । হাড় শক্তিশালী কৰাৰ লগতে পেশীৰ বিকাশৰ বাবে গাখীৰ অতি গুৰুত্বপূৰ্ণ ।
কিন্তু গাখীৰ খোৱাৰ উপযুক্ত সময় জানেনে ? স্বাস্থ্য বিশেষজ্ঞৰ মতে, যদি আপুনি সঠিক সময়ত গাখীৰ খোৱাৰ পৰিৱৰ্তে ভুল সময়ত গাখীৰ খাই তেন্তে স্বাস্থ্য সম্পৰ্কীয় বহু সমস্যাৰ সৃষ্টি হ’ব পাৰে । গতিকে এই প্ৰতিবেদনত জানো আহক গাখীৰ খোৱাৰ উপযুক্ত সময় ।
দিনৰ কোনটো সময়ত গাখীৰ খোৱাটো উচিত ?
স্বাস্থ্য বিশেষজ্ঞসকলে কয় যে খাদ্য খোৱাৰ লগে লগে গাখীৰ একেবাৰেই খাব নালাগে । ইয়াৰ লগতে গাখীৰ খোৱাৰ আগতে টেঙা বস্তু বা ফলমূল, দৈ, নিমখীয়া বস্তু খোৱাৰ পৰা বিৰত থাকিব লাগে । এনে কৰিলে স্বাস্থ্যৰ ক্ষতি হ’ব পাৰে । স্বাস্থ্য বিশেষজ্ঞৰ মতে খাদ্য খোৱাৰ ৪০ মিনিট পিচত গাখীৰ খোৱাটো স্বাস্থ্যৰ বাবে উপকাৰী বুলি বিবেচিত হয় ।
কুহুমীয়া গাখীৰ খাব লাগে
কুহুমীয়া গাখীৰ খোৱাটো স্বাস্থ্যৰ বাবে উপকাৰী । বিশেষজ্ঞসকলৰ মতে বয়সস্থ লোকে নিশা শোৱাৰ প্ৰায় এঘণ্টা আগতে গাখীৰ সেৱন কৰিব লাগে । ইয়াৰ বাবে পাচনতন্ত্ৰত বিশেষ একো প্ৰভাৱ নপৰে ৷ আনহাতে যদি আপুনি কুহুমীয়া গাখীৰ খায়, তেন্তে বহু ৰোগৰ পৰা হাত সাৰিব পাৰিব ৷ ইয়াৰ বাহিৰেও দিনটোৰ ভাগৰবোৰো নাইকিয়া হৈ যায় আৰু ভাল টোপনি আহে ।
খালী পেটত পান নকৰিব গাখীৰ
স্বাস্থ্য বিশেষজ্ঞৰ মতে খালী পেটত গাখীৰ খোৱাৰ পৰা বিৰত থাকিব লাগে । একো নাখাই গাখীৰ সেৱন কৰিলে কোষ্ঠকাঠিন্য আৰু গেছৰ সমস্যা হ’ব পাৰে । আনহাতে যিসকল লোকে হজম শক্তিৰ সমস্যাত ভুগি আছে তেওঁলোকে কিবা খোৱাৰ পিচতহে গাখীৰ খোৱাৰ পৰামৰ্শ দিয়া হয় । কিন্তু সৰু ল’ৰা-ছোৱালীৰ বাবে তেনে কৰাটো ক্ষতিকাৰক নহয় । যিকোনো সময়তে গাখীৰ খাব পাৰে আৰু তেনে কৰিলে শক্তি লাভ কৰে । কিন্তু বয়োজ্যেষ্ঠসকলে পুৱাই গাখীৰ খোৱাৰ পৰা বিৰত থাকিব লাগে ।
লগতে পঢ়ক:Cow's milk and Children: নৱজাত শিশুক কিয় গৰুৰ গাখীৰ খাবলৈ দিব নালাগে; ইয়াৰ কাৰণ কি ?
