কঁঠাল পৃথিৱীৰ আটাইতকৈ ডাঙৰ গছত হোৱা ফল ৷ ই প্ৰ'টিন, ভিটামিন বি আৰু পটাছিয়ামৰ দৰে পুষ্টিৰে সমৃদ্ধ ৷ কঁঠালটোৰ দৰেই ইয়াৰ গুটিবোৰো স্বাস্থ্যৰ বাবে খুবেই উপকাৰী ৷ কঁঠালৰ গুটি থিয়ামিন আৰু ৰিবোফ্লেভিনত সমৃদ্ধ ৷ যিয়ে আপুনি খোৱা খাদ্যক শক্তিলৈ পৰিৱৰ্তন কৰা আৰু চকু, ছাল আৰু চুলি স্বাস্থ্যৱান ৰখাত সহায় কৰে ৷ গুটিবোৰত জিংক, আইৰণ, কেলচিয়াম, তাম, পটাছিয়াম আৰু মেগনেছিয়ামো থাকে ৷ আজি কঁঠালৰ গুটিৰ স্বাস্থ্য উপকাৰিতাৰ বিষয়ে জানো আহক-
বয়সৰ চাপৰ পৰা ছালক সুৰক্ষিত কৰে
ছাল কোঁচ খোৱা সমস্যাৰ পৰা পৰিত্ৰাণ পাবলৈ আপুনি কঁঠালৰ গুটি ব্যৱহাৰ কৰিব পাৰে ৷ ইয়াৰ বাবে আপুনি কঁঠালৰ গুটি এটা ভালদৰে গুৰি কৰি গাখীৰৰ সৈতে এটা পেষ্ট তৈয়াৰ কৰিব ৷ ছালৰ পৰা সূক্ষ্ম ৰেখাবোৰ আঁতৰাই ৰাখিবলৈ এই পেষ্টটো নিয়মীয়াকৈ আপোনাৰ মুখত প্ৰয়োগ কৰক ৷ কঁঠালৰ গুটিয়ে ছালখন সতেজ কৰি ৰখাত যথেষ্ট সহায় কৰিব পাৰে ৷ছালৰ পৰা বয়সৰ চাপ নাইকিয়া কৰিবলৈ আপুনি কঁঠালৰ গুটি পিছি লৈ তাত মৌ মিহলি কৰি ছালত লগাব পাৰে ৷
মানসিক চাপ, ছালৰ ৰোগ নিৰাময়ত সহায় কৰে
কঁঠালৰ গুটিত প্ৰ'টিন আৰু অন্যান্য মাইক্ৰ'নিউট্ৰিয়েণ্ট অধিক থাকে ৷ যিবোৰে মানসিক চাপৰ স্তৰ আৰু ছালৰ অন্যান্য ৰোগ নিয়ন্ত্ৰণ কৰাত সহায় কৰে ৷ ছালৰ আৰ্দ্ৰতাৰ স্তৰ উচ্চ আৰু আপোনাৰ চুলি স্বাস্থ্যৱান কৰি ৰাখিবলৈও কঁঠালৰ গুটি খাব পাৰে ৷
ৰক্তহীনতা প্ৰতিৰোধ কৰে
কঁঠালৰ গুটি খালে শৰীৰত আইৰণৰ পৰিমাণ বৃদ্ধি হয় ৷ কঁঠালৰ গুটি হৈছে আইৰণৰ এক উৎকৃষ্ট উৎস ৷ আইৰণ সমৃদ্ধ আহাৰে ৰক্তহীনতা আৰু অন্যান্য তেজৰ বিকাৰৰ আশংকা নাইকিয়া কৰে ৷