পৰিৱৰ্তনশীল ঋতুত বিভিন্ন স্বাস্থ্য সমস্যাই দেখা দিয়ে ৷ ইয়াৰ ভিতৰত চৰ্দি- কাহ আৰু ফ্লু অন্যতম ৷ এই দিনকেইটাত নিজকে নিৰোগী কৰি ৰাখিবলৈ ৰোগ প্ৰতিৰোধ ক্ষমতা শক্তিশালী হোৱাটো খুবেই জৰুৰী ৷ ৰোগ প্ৰতিৰোধ ক্ষমতা শক্তিশালী কৰিবলৈ আমি আমাৰ খাদ্যভাস কিছু সলনি কৰাৰ প্ৰয়োজন ৷ হয়, এই দিনকেইটাত পাৰিলে চাহৰ সৈতে চেনিৰ সলনি গুড় খাব ৷ চেনি স্বাস্থ্যৰ পক্ষে অতি হানিকাৰক ৷ কিন্তু গুড় খুব স্বাস্থ্য উপকাৰী ৷ গুড়ত যথেষ্ট পৰিমাণে প্ৰ'টিন, ভিটামিন B12, কেলচিয়াম, আইৰণ, ভিটামিন C থাকে, যিয়ে শৰীৰ স্বাস্থ্যৱান ৰখাত সহায় কৰে ৷ আজি গুড় চাহ খোৱাৰ লাভালাভৰ বিষয়ে জানো আহক-
ৰক্তহীনতা
গুড় চাহ খোৱাটো অত্যন্ত উপকাৰী ৷ বিশেষকৈ ৰক্তহীনতাৰ সমস্যাত ভুগিলে গুড়ৰ চাহ খাব লাগে ৷ ই শৰীৰত তেজৰ অভাৱ দূৰ কৰে ৷ গুড়ৰ চাহত আইৰণ থাকে, যিয়ে লোহিত ৰক্ত কণিকা গঠনত সহায় কৰাৰ লগতে হিম’গ্লবিনৰ স্তৰ বৃদ্ধি কৰে আৰু শৰীৰত তেজৰ অভাৱ দূৰ কৰে ৷
ওজন হ্ৰাস
ওজন হ্ৰাস কৰিবলৈও আপুনি গুড়ৰ চাহ খাব পাৰে ৷ চেনি চাহ খালে শৰীৰত চৰ্বি বৃদ্ধি হয় ৷ কিন্তু গুড়ৰ চাহ খোৱাটোৱেও ওজন নিয়ন্ত্ৰণত সহায় কৰে ৷
পাচন শক্তিশালী
পাচন তন্ত্ৰ স্বাস্থ্যকৰ কৰি ৰখাতো গুড় চাহ খুব উপকাৰী ৷ যদি আপুনি নিয়মীয়াকৈ গুড়ৰ চাহ খায়, ই পাচন তন্ত্ৰ শক্তিশালী কৰাৰ লগতে কোষ্ঠকাঠিন্য, এচিডিটি, বদহজম আদিৰ দৰে সমস্যাৰ পৰাও সকাহ দিয়ে ৷