জিম বা অন্যান্য শাৰীৰিক কাৰ্যকলাপৰ জৰিয়তে ফিট হৈ থকাটো আজিকালি এক ট্ৰেণ্ডলৈ পৰিণত হৈছে ৷ মানুহে ঘণ্টাৰ পিছত ঘণ্টা ধৰি জিমত কচৰৎ কৰি ফিট হৈ থাকিবলৈ চেষ্টা কৰে ৷ কিন্তু কেতিয়াবা জিমলৈ যাবলৈ মন নাযায় আৰু ইয়াৰ কাৰণ এলাহ ৷ যদি জিমৰ ৰুটিন অনুসৰণ নকৰে তেন্তে ইয়াৰ ফলত লাভৰ পৰিৱৰ্তে ক্ষতি হ’বলৈ আৰম্ভ কৰে ৷ কিন্তু ঘৰতে কিছু ব্যায়াম কৰিলে চৰ্বি বা কেলৰি কম কৰিব পাৰে ৷ বিশেষ কথাটো হ’ল কিছুমান ব্যায়াম আছে যিবোৰ আপুনি বিচনাতহে কৰিব পাৰিব ৷ এই প্ৰতিবেদনৰ জৰিয়তে আমি আপোনালোকক এই শাৰীৰিক কাৰ্যকলাপৰসমূহৰ বিষয়ে ক'ম যাক আপুনি বিচনাতে কৰিব পাৰে ৷
মেদবহুলতাৰ ৰোগী বৃদ্ধি পাইছে
কিছুদিনৰ পৰা মানুহবোৰ বেয়া জীৱনশৈলী আৰু ভুল খাদ্যাভ্যাসৰ প্ৰতি আসক্ত হৈ পৰিছে ৷ ইয়াৰ বাবেই দ্ৰুতগতিত ওজন বৃদ্ধি আৰু মেদবহুলতাৰ সমস্যাবোৰ অহৰহ চৰ্চালৈ আহিছে ৷ মানুহে মেদবহুলতাক সমস্যা বুলি গণ্য কৰে আনহাতে ই ৰোগতকৈ কম নহয় ৷
এক প্ৰতিবেদন অনুসৰি ভাৰতৰ প্ৰায় ১৩৫ নিযুত লোকৰ মেদবহুলতাৰ প্ৰভাৱ পৰে ৷ কেৱল এয়াই নহয়, সমগ্ৰ বিশ্বৰ প্ৰায় ১.৯ বিলিয়ন যুৱক-যুৱতীৰ ওজন বেছি আৰু ৬৫ কোটি মেদবহুলতাত আক্ৰান্ত ৷ যদি জিমলৈ যাবলৈ সময় নাথাকে, তেন্তে বিচনাত নিজেই কিছু ব্যায়াম কৰি চৰ্বি কমাব পাৰি ৷
এয়াৰ চাইকেলিং
বিচনাত পৰি থকাৰ সময়ত এয়াৰ চাইকেলিং অৰ্থাৎ ভৰি দুখন বতাহত চাইকেল চলোৱাৰ দৰে ব্যায়াম কৰিব পাৰে ৷ শৈশৱত মানুহে ইয়াক মজা বা খেল হিচাপে কৰিছিল কিন্তু ব্যস্ততাৰে ভৰা জীৱনশৈলীত আপুনি ইয়াক এক কাৰ্যকলাপ হিচাপে ব্যৱহাৰ কৰিব পাৰে ৷ ইয়াৰ বাবে বিচনাত শুই ভৰি দুখন ৯০ ডিগ্ৰী কোণত ওপৰলৈ তুলিব লাগে ৷ দৈনিক কমেও ১০ মিনিট এনেদৰে কৰক আৰু পাৰ্থক্য চাওক ৷
লেগ লিফ্ট ব্যায়াম
লেগ লিফ্ট ব্যায়াম কৰোতে ভৰি দুখন ৯০ ডিগ্ৰী কোণত তুলি পোনে পোনে ৰাখিব লাগে ৷ এই ব্যায়ামত আপুনি বেৰৰ সহায় ল’ব পাৰে ৷ বিচনাত শুই বেৰত মাজে মাজে ভৰিকেইখন থৈ এই ব্যায়াম কৰিলে শৰীৰৰ বাবে বহু উপকাৰিতা সাধন হয় ৷ ইয়াৰ ফলত আমাৰ শৰীৰৰ তলৰ অংশ শক্তিশালী হয় ৷ ওজন কমোৱাতো সহায় কৰে ৷ ইচ্ছা কৰিলে ৰাতি শুবলৈ যোৱাৰ পূৰ্বে এই কাম কৰিব পাৰে ৷ এনে কৰিলে শৰীৰেও সকাহ পায় ৷
শৰীৰৰ ক্ৰাঞ্চ ব্যায়াম
পেট, হাত আৰু উৰুৰ চৰ্বি কম কৰিবলৈ ব’ডী ক্ৰাঞ্চ এক্সাৰচাইজ কৰাটো ভাল ৷ ইয়াৰ বাবে বিচনাত শুই হাত-ভৰি ওপৰলৈ টানিব লাগে ৷ ইয়াৰ পিছত শৰীৰটো ঠেলি আঁঠু স্পৰ্শ কৰিবলৈ চেষ্টা কৰক ৷ দৈনিক প্ৰায় ১০ মিনিট এনে কৰিলে শৰীৰৰ চৰ্বি কম হয় আৰু লগতে অতিৰিক্ত কেলৰিও হ্ৰাস পায় ৷
লগতে পঢ়ক:Diabetes Care: ডায়েবেটিছ থকা মহিলাসকলে গৰ্ভাৱস্থাত কি খাব লাগে ? স্বাস্থ্য বিশেষজ্ঞৰ পৰা জানি লওক
