Eating Habit: যদি আপুনিও খৰখেদাকৈ খাদ্য খায় তেন্তে হওক সাৱধান! হ’ব পাৰে এই ৰোগ

খৰখেদাকৈ খোৱাৰ অভ্যাসে বহুতো স্বাস্থ্যজনিত সমস্যাৰ সৃষ্টি কৰিব পাৰে । বহুতে এই কথাটো প্ৰায়ে আওকাণ কৰি খৰখেদাকৈ খায় । ইয়াৰ ফলত কেনেধৰণৰ সমস্যাৰ সৃষ্টি হ’ব পাৰে জানি লওক...

বৰ্তমানৰ ব্যস্ততাৰে ভৰা এই জীৱনশৈলীত আমি প্ৰায়ে খাদ্য খাবলৈ পৰ্যাপ্ত সময় নাপাওঁ ৷ বেছিভাগ মানুহেই নিজৰ ব্যস্ততাৰ বাবে সঘনাই আৰু সোনকালে খাদ্য খাবলগীয়া হয় ৷ কামৰ বোজাৰ বাবে মানুহে দুপৰীয়াৰ আহাৰ গ্ৰহণৰ সময়তো খৰধৰকৈ খাদ্য খাই কামলৈ উভতি যায় ৷ দৈনন্দিন খৰখেদাকৈ খাদ্য খোৱাটো সোনকালে আমাৰ অভ্যাসত পৰিণত হয় আৰু ই আমাৰ স্বাস্থ্যৰ বাবে ক্ষতিকাৰক ৷

বিজ্ঞানীসকলৰ মতে, আমি আমাৰ খাদ্য সদায় লাহে লাহে খাব লাগে, ভালদৰে চোবাই খাব লাগে আৰু তাৰ সোৱাদ ল’ব লাগে ৷ ইয়াৰ ফলত খাদ্য হজম হোৱাত সহজ হয় আৰু সোনকালে খাদ্য খোৱাৰ অভ্যাস স্বাস্থ্যৰ বাবে ক্ষতিকাৰক হ’ব পাৰে ৷ ইয়াৰ বিষয়ে বিতংভাৱে জানো আহক..

ডায়েবেটিছ

সোনকালে খাদ্য খোৱাৰ অভ্যাসে ডায়েবেটিছৰ দৰে গুৰুতৰ ৰোগৰ সৃষ্টি কৰিব পাৰে ৷ খৰখেদাকৈ খাওঁতে আমি খাদ্যখিনি ভালদৰে চোবাই নোখোৱাকৈয়ে গিলি পেলাওঁ ৷ এনে কৰিলে খাদ্য পৰ্যাপ্ত পৰিমাণে হজম নহয় আৰু তেজত গ্লুক’জৰ মাত্ৰা হঠাতে বৃদ্ধি পায় ৷ ইয়াৰ ফলত ৰক্তশৰ্কৰা অস্থিৰ হৈ পৰে আৰু পিছলৈ ইনচুলিনৰ প্ৰতিৰোধ ক্ষমতাৰ সৃষ্টি হয়, যাৰ ফলত ডায়েবেটিছ ৰোগে দেখা দিয়ে ৷ সেয়েহে সুস্থ হৈ থাকিবলৈ সদায় লাহে লাহে খাদ্য চোবাই খাব লাগে ৷ খৰখেদাকৈ খোৱাৰ অভ্যাস গঢ়ি তোলাৰ পৰা বিৰত থাকক ৷

মেদবহুলতা

খৰখেদাকৈ খোৱাৰ অভ্যাসৰ ফলত আপুনি মেদবহুলতাত ভুগিব পাৰে ৷ আমি যেতিয়া খৰখেদাকৈ খাওঁ তেতিয়া আমাৰ পাচন প্ৰক্ৰিয়া লেহেমীয়া হয়, যাৰ বাবে শৰীৰত চৰ্বি জমা হ’বলৈ আৰম্ভ কৰে আৰু ওজন বাঢ়িবলৈ আৰম্ভ কৰে ৷ লাহে লাহে আহাৰ খোৱাৰ ফলত পেট ভৰ্তি অনুভৱ হয় আৰু আমি অতিমাত্ৰা খাদ্য খোৱাৰ পৰা ৰক্ষা কৰে ৷ আমি যেতিয়া খাদ্য সঠিকভাৱে চোবাই খাওঁ তেতিয়া ই সঠিকভাৱে হজম হয় আৰু বিপাকীয় ক্ৰিয়াও দ্ৰুত হৈ থাকে ৷

খাদ্য ভালদৰে হজম নহয়

খৰধৰকৈ খোৱাৰ ফলত খাদ্য সঠিকভাৱে চোবাই খাব নোৱাৰে ৷ চোবাই খালে লেলাউটিত এনজাইম পোৱা যায় যিয়ে পাচনত সহায় কৰে ৷ খৰখেদাকৈ খোৱাৰ সময়ত আমি এবাৰতে বৃহৎ পৰিমাণৰ খাদ্য খাওঁ, যিটো হজম কৰাত কঠিন হৈ পৰে ৷

লগতে পঢ়ক:Coffee for hair: চুলি মজবুত তথা দীঘল কৰাত সহায় কৰিব কফিয়ে; এনেদৰে কৰক ব্যৱহাৰ