দেশজুৰি দৈনিক শ শ কুকুৰে কামোৰাৰ ঘটনা সংঘটিত হয় । কুকুৰে কামোৰাৰ পিছত অলপ অসাৱধানতাও মাৰাত্মক বুলি প্ৰমাণিত হ’ব পাৰে । শেহতীয়াকৈ উত্তৰ প্ৰদেশৰ গাজিয়াবাদত এটি হৃদয় বিদাৰক ঘটনা চৰ্চালৈ আহিছে, য’ত কুকুৰে কামোৰাৰ ফলত প্ৰায় ডেৰ মাহৰ পিছত জলাতংক ৰোগত আক্ৰান্ত হৈ এটি শিশুৰ মৃত্যু হয় । কুকুৰ এটাই কামোৰাৰ পিছত বহু সময়ত মানুহে অজানিতে এনে কিছুমান কাম কৰে যাৰ ফলত তেওঁলোকৰ সমস্যা আৰু অধিক বৃদ্ধি পায় ।
এই সন্দৰ্ভত নিউৰ’ আৰু স্পাইনৰ অস্ত্ৰোপচাৰ বিশেষজ্ঞ ডাঃ বিকাশ কুমাৰে নিজৰ ছ’চিয়েল মিডিয়াযোগে কিছু তথ্য ভাগ-বতৰা কৰি থাকোঁতে তেওঁ কুকুৰে কামোৰাৰ পিছত প্ৰথমে কি কৰিব লাগে আৰু কি কৰিব নালাগে সেই উল্লেখ কৰিছে ।
কুকুৰে কামোৰাৰ পিছত প্ৰথমে কৰক এই কাম
যদি কোনো ব্যক্তিক কুকুৰে কামুৰিছে তেন্তে প্ৰথমে তেওঁৰ ঘাঁ ধুব লাগে । ইয়াৰ বাবে কুহুমীয়া পানী আৰু চাবোন ব্যৱহাৰ কৰিব লাগে । ঘাঁত কোনো ধৰণৰ বেণ্ডেজ বান্ধিব নালাগে আৰু যদি ঘাঁটো অতি গভীৰ হয় তেন্তে কেৱল পৰিষ্কাৰ বেণ্ডেজ ব্যৱহাৰ কৰিব লাগে । মনত ৰাখিব যে কোনো ঘৰুৱা ঔষধ বা লোচন ব্যৱহাৰ কৰিব নালাগে । যদি আপোনাৰ অভাৰ দ্য কাউণ্টাৰ এন্টিবায়টিক ক্ৰীম আছে তেন্তে ইয়াক প্ৰয়োগ কৰক আৰু সোনকালে চিকিৎসকৰ সৈতে যোগাযোগ কৰক ।
কুকুৰে কামোৰাৰ পিছত এনেদৰে চিকিৎসা কৰা হয়
ডাঃ বিকাশৰ মতে, কুকুৰে কামোৰাৰ পিছত ডাক্তৰে ঘাঁটো পৰীক্ষা কৰি চিকিৎসাৰ সিদ্ধান্ত লয় । বেছিভাগ ক্ষেত্ৰতে চিকিৎসকে ভেকচিনৰ পৰামৰ্শ দিয়ে । যদি ঘাঁটো আঁচোৰৰ দৰে ডাঙৰ হয় তেন্তে ভেকচিনেই ইয়াৰ উত্তম চিকিৎসা । কিন্তু ঘাঁটো গভীৰ হ’লে এন্টি-ৰেবিজ ইমিউন’গ্ল’বিউলিনৰ বেজী দিয়া হয় । ইয়াৰ লগতে পোহনীয়া কুকুৰে কামোৰা বা ৰাস্তাৰ কুকুৰে কামোৰাৰ চিকিৎসাও বেলেগ হৈ পৰে । কুকুৰে কামোৰাৰ পিছত যিমান পাৰি সোনকালে চিকিৎসকৰ পৰামৰ্শ গ্ৰহণ কৰাটো উচিত ।
লগতে পঢ়ক:Eggs and Diabetes: ডায়েবেটিছ ৰোগীৰ বাবে কণী খোৱাটো কিমান নিৰাপদ ?
