আধুনিক জীৱন- যাপনৰ লগে লগে হৃদৰোগত আক্রান্ত লোকৰ সংখ্যা যথেষ্ট বৃদ্ধি পাইছে ৷ বিশ্ব স্বাস্থ্য সংস্থাই(WHO) শেহতীয়াভাৱে যি কেইটা ৰোগক মহামাৰী হিচাপে গণ্য কৰিছে সেইকেইটাৰ ভিতৰত অন্যতম হৈছে হৃদৰোগ ৷ জীৱনশৈলীৰ লগতে ডায়বেটিছত আক্রান্ত ৰোগীৰ সংখ্যা যিমানেই বৃদ্ধি পাইছে সিমানেই হৃদৰোগত আক্রান্তৰ সংখ্যা বাঢ়িছে ৷ লাহে লাহে ভাৰতবৰ্ষ হৃদৰোগৰ ৰাজধানী হোৱাৰ দিছে অগ্ৰসৰ হৈছে ৷
হৃদৰোগৰ ভিতৰত অন্যতম হৈছে হাৰ্ট এটেক ৷ যেতিয়া ৰোগী গৰাকী চিকিৎসাকৰ ওচৰলৈ আহে তেতিয়া প্ৰথমতে তেওঁৰ শৰীৰিক অৱস্থাৰ বিষয়ে পৰীক্ষা-নিৰীক্ষা কৰি সেয়া ঔষধৰ দ্বাৰা উপশম লাভ কৰিব নে অস্ত্ৰোপচাৰ কৰিব লাগে সেইটো নিৰ্ধাৰণ কৰা হয় ৷ তেজৰ সিৰাৰ ব্লকৰ বাবে সেয়া পৰীক্ষা কৰি অৰ্থাৎ ECG কৰি নিৰ্ণয় কৰিব পাৰি ৷
এনেহলে ৰোগীৰ এঞ্জিঅ'গ্ৰাফী কৰিব লাগে ৷ এঞ্জিঅ'গ্ৰাফী কৰাৰ পিছত জানিব পাৰি সিৰাৰ কোন অংশত ব্লক হৈছে আৰু কিমান শতাংশ ব্লক হৈছে ৷ কেইডাল সিৰা ব্লক হৈছে সেইবিষয়েও জানিব পাৰি ৷ এই ক্ষেত্ৰত কিছুমানৰোগীক এঞ্জিঅ'প্লাষ্টিৰ বাবে পৰামৰ্শ দিয়া হয় আৰু কিছুৰোগীক অ'পেন হাৰ্ট ছাৰ্জাৰী কৰিবলৈ উপদেশ দিয়া হয় ৷
বাইপাছ ছাৰ্জাৰী কেতিয়া কৰা হয় ?
অপেন হাৰ্ট ছাৰ্জাৰীত নেচাৰেল বাইপাছ কৰা হয় ৷ দীৰ্ঘসময়ৰ বাবে এনে অস্ত্ৰোপচাৰ ফলদায়ক ৷ যদিহে সিৰা বেছিকৈ ব্লক হৈছে, ৰোগীগৰাকী ডায়বেটিছ আক্রান্ত আৰু কম বয়সীয়া হ'লে সাধাৰণতে এনেধৰণৰ অস্ত্ৰোপচাৰৰ বাবে পৰামৰ্শ আগবঢ়োৱা হয় ৷ এই ছাৰ্জাৰীৰ প্ৰথমতে কেইদিনমান কষ্ট হয় যদিও ভৱিষ্যতে ভাল ফলাফলৰ আশা কৰিব পাৰি ৷ বয়সীয়াল আৰু শিশুসকলৰ ক্ষেত্ৰত এনে অস্ত্ৰোপচাৰ পদ্ধতি ভিন্ন হয় ৷ পৰম্পৰাগত পদ্ধতি বা ক্লাছিকেল ছিষ্টেম আৰু ক্ষুদ্ৰ ফুটা কৰিও অ'পেন হাৰ্ট ছাৰ্জাৰী কৰা হয় ৷
মিনিমেল ইনভেছিভ ছাৰ্জাৰী কি ?
মিনিমেল ইনভেছিভ ছাৰ্জাৰীক ক্ষুদ্র ফুটা কৰি কৰা অস্ত্ৰোপচাৰৰ সুবিধা বেছি ৷ কম সময়ৰ বাবে হাস্পাতালত থাকিব লাগে ৷ দ্ৰুতগতিত আৰোগ্য লাভ কৰে ৷ অস্ত্ৰোপচাৰৰ সময়ত আৰু অস্ত্ৰোপচাৰৰ পিছত কম বিষ অনুভৱ হয় ৷
ইয়াৰ পৰা পৰিত্ৰাণৰ উপায়সমূহ
১) এনে ৰোগৰ পৰা হাত সাৰিবলৈ জীৱন শৈলীৰ পৰিবৰ্তন কৰিব লাগিব ৷