Healthy Leaves: শৰীৰত বৃদ্ধি পোৱা ইউৰিক এচিডক নিয়ন্ত্ৰণ কৰিব এই ৫বিধ পাতে

অনিয়মিত জীৱনশৈলী আৰু বেয়া খাদ্যাভ্যাসৰ বাবে শৰীৰত ইউৰিক এচিডৰ সমস্যাৰ সৃষ্টি হ’ব পাৰে ৷ যদি আপুনিও এই ৰোগত ভুগে, তেন্তে ইয়াৰ পৰা মুক্তি পাবলৈ এই পাঁচবিধ সেউজীয়া পাত খাবলৈ আৰম্ভ কৰক ৷ আহকচোন ইয়াৰ বিষয়ে জানো....

শৰীৰত ইউৰিক এচিড বৃদ্ধি হোৱাটো এনেকুৱা এটা সমস্যা যাৰ বাবে আন গুৰুতৰ ৰোগৰো আশংকা বৃদ্ধি পায় ৷ দৰাচলতে যেতিয়া আমাৰ শৰীৰত দূষিত পদাৰ্থ জমা হ’বলৈ আৰম্ভ কৰে আৰু সেইবোৰ ওলাই আহিব নোৱাৰে তেতিয়া ইয়াক ইউৰিক এচিড বৃদ্ধি বুলি কোৱা হয় ৷ মূলতঃ ইয়াৰ বাবেই পিউৰিন নামৰ ৰাসায়নিক পদাৰ্থ এটা শৰীৰত ভাঙিবলৈ আৰম্ভ কৰে ৷ ই পোনে পোনে তেজত জমা হ’বলৈ আৰম্ভ কৰে ৷ যেতিয়া ইয়াৰ অতিৰিক্ততা আৰম্ভ হয়, তেতিয়া ভৰিত অসহ্যকৰ বিষ আৰু ফুলাৰ সমস্যা আৰম্ভ হয় ৷

ইউৰিক এচিড বৃদ্ধি হ’লে চিকিৎসকৰ পৰামৰ্শ মতে কিছুমান ঔষধ খাবলৈ আৰম্ভ কৰে ৷ কিন্তু আজি আমি আপোনালোকক এনে পাঁচটা উপায়ৰ বিষয়ে ক'বলৈ ওলাইছো, যি উপায় অৱলম্বন কৰি আপুনি শৰীৰত বৃদ্ধি পোৱা ইউৰিক এচিড হ্ৰাস কৰিব পাৰিব ৷ এইবোৰ কিছুমান অলৌকিক পাত, যিবোৰ আপুনি দৈনন্দিন খাদ্য তালিকাত অন্তৰ্ভুক্ত কৰিব লাগে ৷ আহকচোন ইয়াৰ বিষয়ে জানো....

১) তুলসীৰ পাত

বহু প্ৰকাৰৰ সংক্ৰমণ তুলসীৰ পাত খালে নাইকিয়া হয় ৷ একেদৰে ইউৰিক এচিড কমোৱাতো তুলসী অতি উপকাৰী ৷ আপুনি নিয়মিতভাৱে তুলসী চোবাই খাওক ৷ অথবা ইয়াৰ পানী উতলাই পান কৰক ৷ ইয়াৰ ফলত ইউৰিক এচিডৰ মাত্ৰা বহু পৰিমাণে হ্ৰাস পাব ৷

২) পাণৰ পাত

স্বাস্থ্যৰ বাবে পাণৰ পাত অতি ফলপ্ৰসূ ৷ শৰীৰত বৃদ্ধি পোৱা ইউৰিক এচিড কমোৱাতো বেটেল পাত অতি ফলপ্ৰসূ ৷ পাণৰ পাত সেৱন কৰিলে তেজত ইউৰিক এচিডৰ স্ফটিক বাহিৰলৈ ওলাই আহে ৷

৩) নৰসিংহ পাত

যদি আপোনাৰ শৰীৰত ইউৰিক এচিডৰ পৰিমাণ বৃদ্ধি পাইছে, তেন্তে খাদ্যত নৰসিংহৰ পাত অন্তৰ্ভুক্ত কৰাটো আৰম্ভ কৰক ৷ দৈনন্দিন খাদ্যত নৰসিংহৰ পাত অন্তৰ্ভুক্ত কৰিলে আপোনাৰ তেজত জমা হোৱা ইউৰিক এচিড ক্ৰমান্বয়ে হ্ৰাস পাব ৷

৪) মেথি পাত

ইউৰিক এচিডৰ সমস্যাতো মেথি পাত অতি উপকাৰী ৷ এই শাক যিকোনো পদ্ধতিৰে বনাই খাব পাৰে ৷ মেথিত আইৰণো প্ৰচুৰ পৰিমাণে পোৱা যায় ৷ ইচ্ছা কৰিলে মেথিৰ পাত চোবাই খাবও পাৰে ৷ এনেকৈ খালে শৰীৰত ইউৰিক এচিড নিয়ন্ত্ৰিত হ’ব ৷

৫) ধনীয়াৰ পাত

ধনীয়া পাত প্ৰায় বহু প্ৰকাৰৰ খাদ্যত ব্যৱহাৰ কৰা হয় ৷ ইউৰিক এচিডৰ পৰা মুক্ত হোৱাতো এই পাত সহায়ক ৷ ধনীয়া পাত ঔষধি গুণাগুণেৰে পৰিপূৰ্ণ ৷ ইয়াৰ সুগন্ধিও বৰ ভাল ৷ সেয়ে এইবিধ পাতক আপুনি আপোনাৰ খাদ্য তালিকাত অন্তৰ্ভুক্ত কৰিব পাৰে ৷

লগতে পঢ়ক:Symptoms of heatstroke: হিট ষ্ট্ৰ’কৰ লক্ষণ তথা ল’ব লগীয়া সাৱধানতাসমূহ কি কি ?