পুৰুষতকৈ মহিলাৰ জীৱনকাল বেছি হয় নেকি ? এই কথা শুনি আপুনি হয়তো আচৰিত হ’ব কিন্তু গৱেষণাৰ মতে এয়াই সত্য ৷ বিশ্বাস কৰিবলৈ কঠিন হ’লেও বাস্তৱত কিন্তু এয়াই সত্য ৷ বহুলোকে এই বিশ্বাস নকৰাটো স্বাভাৱিক কাৰণ বহু ক্ষেত্ৰত নাৰীক প্ৰায়ে দুৰ্বল বুলি গণ্য কৰা হয় ৷
যেতিয়াই শক্তি আৰু ক্ষমতাৰ কথা আহে তেতিয়াই পুৰুষৰ নাম প্ৰথমে আহে ৷ পুৰুষ মহিলাতকৈ ওখ আৰু পেশীৰ পৰা আৰম্ভ কৰি শৰীৰৰ গঠনলৈকে সকলো বেলেগ ৷ মহিলাতকৈ তেওঁলোক বহুত বেছি শক্তিশালী যেন লাগে ৷ বাহিৰৰ পৰা পুৰুষক মহিলাতকৈ শক্তিশালী যেন লাগে, আনহাতে চিকিৎসাৰ দৃষ্টিকোণৰ পৰা চাবলৈ গ’লে পুৰুষসকল দুৰ্বল ৷
মহিলাতকৈ পুৰুষৰ জীৱন কম আৰু তেওঁলোকেও অধিক ৰোগত আক্ৰান্ত হয় ৷ শেহতীয়াকৈ কৰা এটি গৱেষণাত এটা আচৰিত কথা পোহৰলৈ আহিছে ৷ গৱেষণাৰ পৰা দেখা গৈছে যে মহিলাসকল পুৰুষতকৈ অধিক দিনলৈ জীৱন কটায় ৷ আপুনি জানি আচৰিত হ’ব যে সমগ্ৰ বিশ্বতে মহিলাৰ আয়ুস পুৰুষতকৈ ৫ শতাংশ বেছি ৷
হাৱাৰ্ড মেডিকেলৰ গৱেষণাত কি তথ্য পোহৰলৈ আহিল-
বয়সৰ এই ৰহস্য বুজিবলৈ বিজ্ঞানীসকলে ক্ৰম’জমৰ ওপৰত অধ্যয়ন কৰিছিল ৷ হাৰ্ভাৰ্ড মেডিকেলত পুৰুষ আৰু মহিলাৰ ওপৰত বিশেষ গৱেষণা কৰা হৈছে ৷ কোৱা হৈছিল যে শিশুটিয়ে ভ্ৰূণৰ পৰাই পুৰুষ আৰু মহিলা হিচাপে পৃথক হয় ৷ অৱশ্যে দুয়োটাতে ২৩ যোৰ ক্ৰম’জম থাকে ৷ দুয়োটাৰে ২২টা ক্ৰম’জম একে যদিও ২৩ নং ক্ৰম’জম দুয়োটাতে বেলেগ বেলেগ ৷