অভিনেত্ৰী বিপাশা বাসুৱে কন্যাৰ বাবে প্ৰায়ে বাতৰিৰ শিৰোনাম দখল কৰে । কন্যা দেৱীক লৈ ইতিমধ্যে বহু সমস্যাৰ সন্মুখীন হৈছে বলীউডৰ এই জনপ্ৰিয় দম্পতীয়ে । শেহতীয়াকৈ ছচিয়েল মিডিয়াত অভিনেত্ৰীগৰাকীয়ে নিজেই এই কথা প্ৰকাশ কৰিছে ।
বিপাশাই কয় যে, জন্মৰ পিছত দেৱীৰ হৃদযন্ত্ৰত এটা নহয় দুটাকৈ ফুটা আছিল । কন্যা দেৱীৰ জন্মৰ তিনি বছৰৰ পাছত এই বিষয়ে জানিবলৈ পোৱা বুলি অভিনেত্ৰীগৰাকীয়ে জনায় । এই খবৰ শুনি বিপাশা আৰু তেওঁৰ স্বামী কৰণক এই খবৰে বেয়াকৈ জোকাৰি যায় ।
নেহা ধুপিয়াৰ সৈতে লাইভ ভিডিঅ’ত হোৱা এটি কথোপকথনত অভিনেত্ৰীগৰাকীয়ে কয় যে, পূৰ্বে তেওঁ এই খবৰটো সকলোৰে সৈতে শ্বেয়াৰ কৰিব বিচৰা নাছিল যদিও নিজকে ৰখাব পৰা নাছিল । নিজৰ কন্যা শিশুটিৰ এই ৰোগৰ কথা তেওঁলোকে নিজৰ মাজতে গোপনে ৰাখিছিল । কিন্তু এই ক্ষেত্ৰত আমি জানিব লাগিব যে হৃদযন্ত্ৰত হোৱা এই সমস্যাৰ মূল কাৰণ কি ? তথা ইয়াক কেনেকৈ প্ৰতিৰোধ কৰিব পাৰি জানো আহক ।
ভেন্টিকুলাৰ চেপটাল ডিফেক্ট
চিকিৎসকে এই সন্দৰ্ভত কয় যে, যেতিয়া গৰ্ভত শিশুৰ অংগসমূহৰ গঠন হয় তেতিয়া একে সময়তে হৃদযন্ত্ৰও গঠন হয় । চিকিৎসকে কয় যে, যদি বিকাশত কোনো ধৰণৰ দোষ থাকে, তেন্তে ইয়াৰ প্ৰভাৱ হৃদযন্ত্ৰৰ ফুটা বা আন ৰোগৰ ৰূপত দেখা যায় । বিশেষজ্ঞসকলে কয় যে, অস্ত্ৰোপচাৰেই হৃদযন্ত্ৰৰ এই সমস্যাৰ একমাত্ৰ উপায় ।
কিয় হয় এই সমস্যা ?
শিশুৰ হৃদযন্ত্ৰত ফুটা হোৱাৰ সমস্যাক ভেণ্টিকুলাৰ চেপটাল ডিফেক্ট বোলা হয় । বিকাশৰ সময়ত হোৱা দোষৰ ফলত হৃদযন্ত্ৰত ফুটা হ’ব পাৰে । বিশেষজ্ঞসকলে কয় যে, অবাঞ্চিত পদাৰ্থৰ সংস্পৰ্শলৈ অহাৰ বাবে শিশুটিৰ বৃদ্ধি তথা বিকাশৰ ওপৰত প্ৰভাৱ পৰে । এনে পৰিস্থিতিত হৃদযন্ত্ৰৰ গঠনত বেয়া প্ৰভাৱ পৰে । ইয়াত হৃদযন্ত্ৰৰ ফুটাৰ পৰা আৰম্ভ কৰি হৃদযন্ত্ৰৰ কোনো অংশৰ অনুপস্থিতিলৈকে বহুতো গুৰুতৰ সমস্যাৰ সৃষ্টি হ’ব পাৰে ।
বিকাশৰ সময়ত শিশুৰ হৃদযন্ত্ৰৰো বিকাশ ঘটে । বিশেষজ্ঞসকলে কয় যে, হৃদযন্ত্ৰৰ বিকাশ চাৰিটা কক্ষৰে গঠিত আৰু ই দুয়োফালৰ লগত সংযুক্ত হৈ থাকে । যদি সেইবোৰ সঠিকভাৱে সংযোগ নহয়, তেন্তে হৃদযন্ত্ৰৰ লগত জড়িত সমস্যাও ঘটে । পুষ্টিৰ অভাৱ বা আন কাৰণত হৃদযন্ত্ৰত ফুটা হ’ব পাৰে ।
ডায়েবেটিছৰো ইয়াৰ কাৰণ
আজিকালি গৰ্ভৱতী মহিলাৰ টাইপ ১ আৰু টাইপ ২ ডায়েবেটিছ হোৱাটো সাধাৰণ হৈ পৰিছে । চিকিৎসকৰ মতে, যদি ৰক্তশৰ্কৰা নিয়ন্ত্ৰিত নহয়, তেন্তে জন্মৰ পৰাই শিশুটিৰ হৃদযন্ত্ৰৰ সৈতে জড়িত বিসংগতি থাকিব পাৰে । যদি এগৰাকী মহিলাৰ শৰীৰত ইনচুলিনৰ মাত্ৰা বৃদ্ধি পায়, তেন্তে গৰ্ভস্থ সন্তানৰ বিকাশত বাধা আহিবলৈ আৰম্ভ কৰে ।
বেয়া খাদ্য
গৰ্ভাৱস্থাতো মহিলাসকলে এনে বস্তু খায় বা পান কৰে যিবোৰ কেৱল তেওঁলোকৰ স্বাস্থ্যৰ বাবেই নহয়, শিশুটিৰ বাবেও বিপদজনক । গৰ্ভাৱস্থাত নিয়মিতভাৱে মদ্যপান কৰিলে শিশুৰ চি এইচ ডি(CHD) সমস্যা হ’ব পাৰে । ইয়াৰ লগত ভেণ্টিকুলাৰ চেপটাল ডিফেক্ট জড়িত হৈ থাকে । বিশেষজ্ঞসকলে কয় যে, হৃদযন্ত্ৰৰ ফুটা বা আন সমস্যাও জিনীয় হ’ব পাৰে, কিন্তু ইয়াক প্ৰতিৰোধ কৰিবলৈ গৰ্ভাৱস্থাত বহু কথাৰ বিশেষ যত্ন লোৱাটো জৰুৰী । সাধাৰণতে, হৃদযন্ত্ৰৰ ফুটা এটাৰ বাবে সৰ্বোত্তম চিকিৎসা হ’ল অস্ত্ৰোপচাৰ ।
লগতে পঢ়ক:Stomach pain: পেটৰ বিষৰ বাবে অতিষ্ট হৈ পৰিছে নেকি ? পাকঘৰত ৰখা এই সামগ্ৰীবিধে দিব সকাহ
