হিন্দু ধৰ্মত ভগৱান শিৱ পূজাৰ গুৰুত্ব আন দেৱতাৰ তুলনাত কিছু পৃথক । আকাংক্ষিত স্বামী পোৱাৰ ইচ্ছাই হওক বা বিপদৰ পৰা মুক্তিৰ আশাই হওক, ভগৱান ভোলেনাথে নিজৰ ভক্তসকলক প্ৰতিটো বিপদৰ পৰা ৰক্ষা কৰে । শিৱক সন্তুষ্ট কৰিবলৈ শাস্ত্ৰত বহু মন্ত্ৰ উল্লেখ কৰা হৈছে, কিন্তু ইয়াৰ ভিতৰত মহামৃত্যুঞ্জয় মন্ত্ৰ অন্যতম । অকাল মৃত্যুৰ ভয়ৰ পৰা আঁতৰি থাকিবলৈ হওক বা ৰোগৰ পৰা পৰিত্ৰাণ পাবলৈয়ে হওক ভোলেনাথৰ অলৌকিক মহামৃত্যুঞ্জয় মন্ত্ৰ জপ কৰাটো অতি উপকাৰী ।
এই মন্ত্ৰ জপ কৰি দেৱৰো দেৱ মহাদেৱক সন্তুষ্ট কৰিব পৰা যায় আৰু নিজৰ ভক্তসকলক প্ৰতিটো দুখৰ পৰা মহাদেৱে আঁতৰাই ৰাখে । ৰোগ, ভয়, অকাল মৃত্যু আৰু প্ৰতিটো অশুভৰ পৰা আঁতৰি থাকিবলৈ ভগৱান শিৱৰ মহামৃত্যুঞ্জয় জপ কল্যুগত অতি উপকাৰী । সাৱন মাহত এই মন্ত্ৰ জপ কৰাৰ গুৰুত্ব বেলেগ । শাওনত মহামৃত্যুঞ্জয় মন্ত্ৰ জপ কৰিলে কি লাভ হয় আৰু ইয়াৰ নিয়ম কি, এই প্ৰতিবেদনত জানি লওক ।
শাওন মাহত মহামৃত্যুঞ্জয় মন্ত্ৰ জপ কৰাৰ লাভ মহামৃত্যুঞ্জয় মন্ত্ৰৰ জপ
‘ॐ त्र्यम्बकं यजामहे सुगन्धिं पुष्टिवर्धनम्, उर्वारुकमिव बंधनान् मृत्योर्मुक्षीय मामृतात्’|| সাধাৰণতে এইমন্ত্ৰটো যদি ১.৫ লাখ বাৰ জপ কৰা হয়, তেন্তে মৃত্যুৰ ভয় মনৰ পৰা আঁতৰি যায় । যদি ১ লাখ ৫০ হাজাৰ বাৰ জপ কৰা সম্ভৱ নহয় তেন্তে ১০৮ বাৰ জপ কৰিলে শুভ ফল পোৱা যাব ।
শাওনত মহামৃত্যুঞ্জয় মন্ত্ৰৰ জপ কিয় বিশেষ ?
যদিও ভোলেনাথৰ এই অলৌকিক মন্ত্ৰৰ জপ যিকোনো মাহত সোমবাৰৰ পৰা আৰম্ভ কৰিব পাৰি, কিন্তু শাওন মাহত এই মন্ত্ৰ জপ কৰাৰ গৌৰৱ বেলেগ । ৰুদ্ৰাক্ষৰ মালাৰে এই মন্ত্ৰ জপ কৰাটো শুভ বুলি গণ্য কৰা হয় । শিৱক সন্তুষ্ট কৰিবলৈ শাওন মাহটো অতি শুভ, প্ৰিয় ভগৱান ভোলেনাথৰ মাহত অলৌকিক মহামৃত্যুঞ্জয় মন্ত্ৰ জপ কৰি ভোলেনাথে শীঘ্ৰে আশীৰ্বাদ দিয়ে । এই মন্ত্ৰৰ শুভ শাওন মাহত ১১০০ বাৰ জপ কৰিলে ৰোগ আৰু ভয়ৰ পৰা মুক্তি পোৱা যায় বুলি বিশ্বাস কৰা হয় । অকাল মৃত্যুৰ ভয়ো মনৰ পৰা আঁতৰি যায় । শাওন মাহত মহামৃত্যুঞ্জয় মন্ত্ৰ জপ কৰাটো ভোলেনাথৰ প্ৰতি উৎসৰ্গিত হোৱাৰ বাবে অতি শুভ । ইয়াৰ দ্বাৰা জীৱনৰ প্ৰগতিৰ বাট মুকলি হয় বুলিও বিশ্বাস কৰা হয় ।
মহামৃত্যুঞ্জয় মন্ত্ৰ জপ কৰাৰ নিয়ম
শাওন মাহত মহামৃত্যুঞ্জয় মন্ত্ৰ জপ কৰাৰ লাভ - ভোলেনাথৰ প্ৰতিমূৰ্তি বা শিৱলিংগৰ সন্মুখত শিৱৰ অলৌকিক মন্ত্ৰ জপ কৰাটো অধিক লাভজনক বুলি বিবেচিত হয় ।
- ৰুদ্ৰাক্ষ মালাৰে মহামৃত্যুঞ্জয় মন্ত্ৰ জপ কৰিলে শুভ ফল পোৱা যায় ।
- ভগৱান ভোলেনাথক বেলপত্ৰ অৰ্পণ কৰাৰ পিছতহে মহামৃত্যুঞ্জয় মন্ত্ৰৰ জপ আৰম্ভ কৰিব লাগে ।
লগতে পঢ়ক:Alzheimer: ২০৫০ চনলৈ তিনিগুণ বৃদ্ধি হ’ব এলঝেইমাৰ ৰোগীৰ সংখ্যা ! জানক কেনেকৈ এই আশংকা দূৰ কৰিব পাৰি ?
