বৰ্তমান সময়ত মানুহৰ মাজত স্মৃতি বিভ্ৰাট খুব দ্ৰুতগতিত বৃদ্ধি পাবলৈ ধৰিছে । আন বস্তু মনত ৰাখি মানুহে প্ৰায়ে কিছুমান কথা পাহৰি যায় । ইয়াৰ উপৰিও মানুহে একাগ্ৰতাৰে কাম কৰিবলৈও অক্ষম(Ayurvedic Tips) । কিছুমান গৱেষণাৰ মতে এনে হোৱাৰ এটা কাৰণ হ’ল বেয়া জীৱনশৈলী(Ayurvedic Tips To Improve your Memory Power) ।
বৃদ্ধ বয়সত পাহৰি যোৱাৰ সমস্যাটো সাধাৰণ যদিও যুৱক-যুৱতীৰ মাজত এই সমস্যা দেখা গৈছে । আজিৰ দ্ৰুত গতিৰ জীৱনত মানসিকভাৱে সুস্থ হৈ থকাটো অতিকৈ প্ৰয়োজনীয়, নহ’লে ক’ৰবাত নহয় ক'ৰবাত আপুনি পিছ পৰি ৰ'ব । স্মৃতিশক্তি আৰু একাগ্ৰতা বৃদ্ধিৰ বাবে কিছু আয়ুৰ্বেদিক বনৌষধিও সেৱন কৰিব পাৰে(Ayurvedic Tips to boosting memory power) । এই আয়ুৰ্বেদিক বনৌষধি কোন কোনবোৰ জানো আহক-
ব্ৰাহ্মী(Brahmi)
ব্ৰাহ্মী এবিধ প্ৰাচীন বনৌষধি । ই বিভিন্ন ঔষধি গুণেৰে ভৰপূৰ । হাজাৰ হাজাৰ বছৰ ধৰি আয়ুৰ্বেদত ইয়াৰ ব্যৱহাৰ চলি আছে । ই মগজুৰ কাৰ্যক্ষমতা উন্নত কৰে । এই বনৌষধিটোৱে মানসিক চাপ আৰু উদ্বেগৰ পৰা সকাহ দিয়াৰ কাম কৰে । ই মানসিক স্বাস্থ্যৰ উন্নতিত সহায় কৰে । ব্ৰাহ্মী খোৱাৰ ফলত স্মৃতিশক্তি আৰু একাগ্ৰতা বৃদ্ধি পাব পাৰে । ইয়াক সেৱনে স্মৃতিশক্তিৰ সৈতে জড়িত সমস্যাসমূহ আঁতৰোৱাত সহায় কৰে । ব্ৰাহ্মী গুড়ি গাখীৰ বা পানীৰ লগত মিহলাই খাব পাৰে ৷
শংখপুষ্পী(Shankhpushpi)
আয়ুৰ্বেদিক চিকিৎসাত শংখপুষ্পীক অতি শক্তিশালী বনৌষধি হিচাপে গণ্য কৰা হয় । বছৰ বছৰ ধৰি ইয়াক ঔষধ হিচাপে ব্যৱহাৰ কৰা হৈছে । মনক শান্ত কৰাৰ লগতে স্মৃতিশক্তি বৃদ্ধি কৰিবলৈ ব্যৱহাৰ কৰা হয় । ই মানসিক চাপ আৰু উদ্বেগ দূৰ কৰাৰ কাম কৰে । ইয়াৰ বাবে এই বনৌষধি গুড়ি এচামুচ কুহুমীয়া পানীত মিহলাই খাব পাৰে ।