আপুনি জানেনে ? Alzheimer ৰোগৰ ফলত আপুনি হেৰুৱাব পাৰে আপোনাৰ দৃষ্টিশক্তি । মেছাচুচেটছ ইনষ্টিটিউট অৱ টেকন’লজি (MIT study)ৰ অধ্যয়নত প্ৰকাশ পাইছে এই ভয়াৱহ তথ্য । এলঝেইমাৰ বা মগজুৰ ৰোগে মগজুৰ ছবি প্ৰক্ৰিয়াকৰণ অংশত(Image Processing Area)বিৰূপ প্ৰভাৱ পেলায় ।
এলঝেইমাৰ হৈছে মগজুৰ এক ৰোগ যিয়ে ক্ৰমান্বয়ে স্মৃতিশক্তি আৰু আৱেগিক সমস্যাৰ সৃষ্টি কৰে(Alzheimer's may lead to loss of visual memory) । কিন্তু ইয়াৰ বাবে দৃষ্টিশক্তি হেৰুৱাটো বৰ্তমান এক চিন্তাৰ বিষয় হৈ পৰিছে ।
পিক’ৱাৰ ইনষ্টিটিউট অন লাৰ্নিং এণ্ড মেম’ৰীৰ গৱেষক দলে নিউৰন নামৰ আলোচনীত প্ৰকাশ কৰা এক অধ্যয়নত এন্দুৰৰ ওপৰত কৰা গৱেষণাই এই কথা প্ৰকাশ কৰিছে যে, ই মানৱ ৰোগীৰ ক্ষেত্ৰত পূৰ্বৰ পৰ্যবেক্ষণৰ বাবে শাৰীৰিক আৰু যান্ত্ৰিক ভিত্তি প্ৰদান কৰে (Deteriorates circuit that connects image processing areas of Brain) ৷
পিক’ৱাৰ ইনষ্টিটিউটৰ প্ৰাক্তন পোষ্ট ডক্টৰেট ফেলো যি বৰ্তমান ভাৰতীয় বিজ্ঞান প্ৰতিষ্ঠানৰ মগজু গৱেষণা কেন্দ্ৰৰ সহকাৰী অধ্যাপক হিচাপে কৰ্মৰত তথা মুখ্য লেখক চিন্নাখাৰপুন আধৈকানে কয়, ‘‘পৰীক্ষাত আমি দেখিবলৈ পাওঁ যে মগজুত এটা কাৰ্যকৰী বৰ্তনী আছে যিয়ে দৃষ্টিশক্তিৰ ক্ষতি কৰি তুলিব পাৰে । তেওঁ লগতে কয় যে, ইয়াৰ ওপৰত আমি এটা মৌলিক জীৱবিজ্ঞান আৱিষ্কাৰ কৰিলোঁ যিটো পূৰ্বতে জনা হোৱা নাছিল’’ ।
বিশেষকৈ আডাইকানৰ কামে প্ৰতিটো গোলাৰ্ধৰ প্ৰাথমিক দৃষ্টিশক্তিৰ কৰ্টেক্স (V1) সংযোগ কৰা নিউৰনসমূহ চিনাক্ত কৰিছিল আৰু দেখুৱাইছিল যে, এলঝেইমাৰ ৰোগৰ আৰ্হি জিনীয় পৰিৱৰ্তন বা প্ৰত্যক্ষ পৰীক্ষাগাৰৰ বিঘিনি হ’লে কোষবোৰো বিঘ্নিত হয় । এলঝেইমাৰ ৰোগত এইটো এটা সাধাৰণ বিকাৰ । গৱেষকসকলে এন্দুৰৰ ওপৰত কৰা পৰীক্ষণৰ পিছতে পোহৰলৈ আহে এই তথ্য ৷