ওডালগুৰিত 7.6 পিষ্টল গুলিসহ এজন যুৱকক আটক

ছিপাঝাৰত এখন বাছৰ পৰা এটা 7.6 পিষ্টল আৰু ১৫ জাই সক্ৰিয় গুলিসহ এজন যুৱকক আটক ৷

ওডালগুৰি,14 চেপ্তেম্বৰঃ ওডালগুৰিস্থিত ভাৰতীয় সেনাৰ গাড়ৱাল ৰেজিমেন্টে গোপন সুত্ৰৰ পম খেদি মংগলদৈ অভিমুখে আহি থকা এখন বাছৰ পৰা ছয়গাৱৰ ছহিদুল হক নামৰ যুৱকজনক ছিপাঝাৰত আটক কৰে ৷ যুৱকজনৰ পৰা এটা 7.6 পিষ্টল আৰু পোন্ধৰ জাই সক্ৰিয় গুলি উদ্ধাৰ কৰে ৷ সম্প্ৰতি ছিপাঝাৰ আৰক্ষীয়ে অধিক তথ্যৰ বাবে যুৱকজনক জেৰা অব্যাহত ৰাখিছে ৷ যুৱকজন উগ্ৰপন্থী সংগঠনৰ লগত জড়িত নে অবৈধ মৰণাস্ত্ৰ সৰবৰাহকাৰী এই পৰ্যন্ত স্পষ্ট হোৱা নাই ৷