সমৰ্থকসহ দলে বলে মনোনয়ন দাখিল প্ৰদীপ কুমাৰ দৈমাৰীৰ

মঙ্গলদৈ লোকসভা সমষ্টিৰ ইউ পি পি এল দলৰ প্ৰাৰ্থী প্ৰদীপ কুমাৰ দৈমাৰী

মংগলদৈ, 25 মাৰ্চঃ মংগলদৈ লোক সভা সমষ্টিৰইউ পি পি এল দলৰ প্ৰাৰ্থীপ্ৰদীপ কুমাৰ দৈমাৰীয়ে সোমবাৰে মঙলদৈত মনোনয়ন পত্ৰ দাখিল কৰে ৷ওদালগুৰি , হৰিশিঙা , টংলা আদি অঞ্চলৰ মাজেৰে বিশাল শোভাযাত্ৰা কৰি সমৰ্থকসহমনোনয়ন দাখিল কৰিবলৈ যায় প্ৰাৰ্থীগৰাকীয়ে ৷

নিখিল বড়ো ছাত্র সন্থা, এন ডি এফ বি প্ৰগতিশীল আৰু পিপল জইণ্ট এক্সন কমিটি ফৰ বড়োলেণ্ড মুভমেন্টৰ সমৰ্থনত নির্বাচনী যুঁজত অৱতীৰ্ন হ'ব দলটোৱে৷ প্ৰদীপ কুমাৰ দৈমাৰীৰমনোনয়ন দাখিল কৰিবলৈ যোৱা এই যাত্ৰাত সহযোগ কৰে নিখিল বড়ো ছাত্রসন্থাৰ উপ সভাপতি দ্বীপেন বড়ো, ইউ পি পি এলৰ উপ সভাপতি ভ্ৰমণ বাগলাৰী, জইণ্ট এক্সন কমিটিৰ আহ্বায়ক ইউচুফ আলিকে ধৰি বহু কেইজন নেতাই ।

মনোনয়ন দাখিলৰ পূৰ্বে সাংবাদিকৰ লগত হোৱা বাৰ্তালাপত প্ৰাৰ্থীগৰাকীয়ে মংগলদৈত তেওঁৰেই জয় নিশ্চিত বুলি দাবী কৰে৷আনহাতে বিজেপিৰ লগত দলটোৰ মূল প্ৰতিদ্বন্দিতা হ'ববুলি উল্লেখ কৰি কংগ্ৰেছ তৃতীয় স্থানতহে থাকিব বুলি উল্লেখ কৰে প্ৰদীপ কুমাৰ দৈমাৰীয়ে ৷