ওদালগুৰি, 2 মাৰ্চ: লোকসভা নিৰ্বাচনৰ পূৰ্বে দেশৰ সকলো প্ৰান্ততে হৈ - ছৈৰ সৃষ্টি হৈ থকাৰ সময়তে সাজু হৈছে ওদালগুৰি জিলা প্ৰশাসন । সমাগত নিৰ্বাচনৰ পূৰ্বে আজি ওদালগুৰিৰ উপায়ুক্ত কাৰ্যালয়ৰ সভা গৃহত অনুষ্ঠিত হয় এখন সজাগতা সভা । সভাত উপস্থিত থাকে জিলা উপায়ুক্ত দিলীপ কুমাৰ দাস, অতিৰিক্ত উপায়ুক্ত( নিৰ্বাচনী) অমৰ জ্যোতি বৰ্মন আৰু নিৰ্বাচনী বিষয়া নিলোৎপল পাঠক ।
ৰাজনৈতিক দল আৰু সাংবাদিক সকলক সম্বোধন কৰা সভাখনত নিৰ্বাচনী বিষয়ৰ অগ্ৰগতি আৰু পদক্ষেপৰ বিষয়ে অৱগত কৰি জনায় যে আয়োগৰ নতুন নিয়মে বিজয়ৰ ক্ষেত্ৰত প্ৰাৰ্থীক আউল লগাব পাৰে । এইবাৰ নিৰ্বাচনত EVM মেচিনৰ লগত নতুনকৈ সংযোগ হোৱা VVPAT মেচিনৰো প্ৰদৰ্শন কৰে প্ৰশাসনে । এই মেচিনৰ ফলত ভোট দানৰ পিছত থকা সন্দেহ আৰু নাথাকে বুলিও জনাই প্ৰশাসনে । লগতে জিলাখনৰ অন্তৰ্ভুক্ত তিনিটা বিধান সভা সমষ্টিৰ মুঠ ভোটাৰৰ সংখ্যা আৰু ভোট কেন্দ্ৰৰ সংখ্যাৰো হিচাপ দিয়ে প্ৰশাসনে ।