20 শতাংশ বোনাচ বৃদ্ধিৰ দাবীত আটছাৰ উত্তাল প্ৰতিবাদ

চাহ শ্ৰমিকৰ প্ৰতিবাদত উত্তাল হ'ল মাজবাটৰ বেতিবাৰী চাহ বাগিছা ৷ সৰ্বানন্দ সোণোৱাল আৰু চন্দ্ৰমোহন পাটোৱাৰীৰ পুত্তলিকা দাহ ৷

ওদালগুৰি,1 ছেপ্তেম্বৰ: দেওবাৰে আটছাৰ প্ৰতিবাদত উত্তাল হ'ল ওদালগুৰি জিলাৰ মাজবাটৰ বেতিবাৰি চাহ বাগিছা ৷ 20 শতাংশ বোনাচ বৃদ্ধিৰ দাবীত আটছাৰ আহ্বানত শতাধিক চাহ শ্ৰমিকে মুখ্যমন্ত্ৰী সৰ্বানন্দ সোণোৱাল, উদ্যোগমন্ত্ৰী চন্দ্ৰমোহন পাটোৱাৰীৰ মুৰ্দাবাদ ধ্বনি দি দুয়োৰে পুত্তলিকা দাহ কৰি পৰিস্থিতি উত্তাল কৰি তোলে৷ চৰকাৰে দাবী সমূহ মানি নললে তীব্ৰ আন্দোলন সন্মুখীন হ'ব লাগিব বুলিও চাহ শ্ৰমিক সংগঠনটোৱে চৰকাৰক সকীয়াই দিয়ে ৷