ওদালগুৰি, 15 এপ্ৰিলঃ পহিলা ব'হাগৰ দিনটোতে ৰাজ্যবাসীলৈ এটি দুঃখবৰ । সোমবাৰে পুৱতি নিশা ৬ বাজি ১৫ মিনিতত চিআৰপিএফে ঝাৰখণ্ডৰ গিৰিধত নিয়মীয়া তালাচী অভিযান চলাই থকা সময়তে নক্সাল সন্ত্ৰাসবাদীৰ লগত হোৱা সংঘৰ্ষত শ্বহীদ হয় চি আৰ পি এফত কৰ্মৰত ওদালগুৰিৰ বিশ্বজিৎ চৌহান ৷
কলাইগাঁও থানাৰ অন্তৰ্গত পুঠিমাৰী গাঁৱৰ চি আৰ পি এফ জোৱান বিশ্বজিৎ চৌহানৰ লগতে এই সংঘৰ্ষত নিহত হয় তিনি মাওবাদী । ২০১৪ চনত চাকৰিত যোগদান কৰা দৰিদ্ৰ কৃষক কমল চৌহানৰ জ্যেষ্ঠ সন্তান শ্বহীদ বিশ্বজিৎ চৌহানে বিগত বৰ্ষৰ দুৰ্গা পূজাত অন্তিম বাৰলৈ আহিছিল নিজৰ ঘৰলৈ । সোমবাৰে এই খবৰ স্থানীয় প্ৰশাসনে পৰিয়ালক জনোৱাৰ পাচতে শোকত ভাগি পৰে পৰিয়াল তথা ওচৰ চুবুৰীয়া । আনহাতে শ্বহীদ গৰাকীৰ নশ্বৰ সোমবাৰে নিশা ১০ বজাত স্ব গৃহলৈ আহি পাব বুলি জনায় প্ৰশাসনে । মঙলবাৰে পঞ্চভূতত বিলীন হ'ব শ্বহীদগৰাকীৰৰ নশ্বৰ দেহ ।
