ওদালগুৰি, ৪ মাৰ্চ : ওদালগুৰিত সংঘটিত চাঞ্চল্যকৰ ঘটনা । দেওবাৰে ওদালগুৰিৰ ওৰাঙত গুপেচ বসুমতাৰী নামৰ এজন গাওঁসেৱকক আবাসগৃহৰ ভিতৰতে চোকা অস্ত্ৰৰে আক্ৰমণ কৰে নাগৰা নামৰ এজন লোকে । বন্ধু নাগৰাৰ আক্ৰমণতে গুৰুতৰভাৱে আহত হয় চাকৰি সূত্ৰে ওৰাঙত থকা বাক্সাৰ শালবাৰীৰ গুপেচ বসুমতাৰী । সংকটজনক অৱস্থাত উন্নত চিকিৎসাৰ বাবে গুৱাহাটী চিকিৎসা মহাবিদ্যালয়লৈ প্ৰেৰণ কৰা হয় গুপেচ বসুমতাৰীক । আক্ৰমণত অভিযুক্ত নাগৰা বৰ্তমানলৈকে পলাতক ।