নিউজ ডেস্ক, 26 ফেব্ৰুৱাৰী:ৰাজ্যৰ আগন্তুক বিধানসভা নিৰ্বাচনৰ পূৰ্বে বিপিএফৰ সভাপতি হাগ্ৰামা মহিলাৰীয়ে প্ৰকাশ কৰিছে গুৰুত্বপূৰ্ণ মন্তব্য ৷ বিপিএফ দলে বিজেপি আৰু ইয়াৰ মিত্ৰদলসমূহক বাদ দি বাকী আঞ্চলিক দলসমূহৰ সৈতে হাত মিলাবলৈ সাজু আছে বুলি মন্তব্য কৰে হাগ্ৰামাই ।
তদুপৰি বিপিএফে বি.টি.আৰ.ৰ ১২ টা সমষ্টিৰ আটাইকেইটা সমষ্টিতে প্ৰাৰ্থীত্ব আগবঢ়াব বুলিও মন্তব্য আগবঢ়ায় হাগ্ৰামা মহিলাৰীয়ে । বৃহস্পতিবাৰে ওদালগুৰিত অনুষ্ঠিত হোৱা বিপিএফৰ কেন্দ্ৰীয় কাৰ্যবাহী সমিতিৰ এখনি সভা পৰিচালনা কৰি এই মন্তব্য কৰে হাগ্ৰামাই । আনহাতে নেতাগৰাকীয়ে দলৰ সদস্যসকলক নতুন উদ্যম আৰু লক্ষ্যৰে দলৰ কাম কৰি যাবলৈকো অনুপ্ৰেৰণা যোগায় ।