ওদালগুৰিৰ ভেৰগাঁৱত হাতীৰ গচকত প্ৰাণ গ'ল এজনৰ

নিশা প্ৰায় 11 বজাত এটা বন্যহস্তীয়ে গাঁওখনত প্ৰবেশ কৰাত হাতী খেদিবলৈ ওলাই আহিছিল লোকজন ৷ কিন্তু হাতীটোৱে খেদি যোৱাত হাতীটোৰ গচকত ঘটনাস্থলীতে মৃত্যুক সাবটি লয় লোকজনে ।

ওদালগুৰি, 16 জুন: ভাৰত -ভূটান সীমান্তত অব্যাহত আছে বন্যহস্তীৰ তাণ্ডৱ ৷ শনিবাৰে নিশা ওদালগুৰি জিলাৰ ভেৰগাঁৱৰ দেউচুঙাত বন্যহস্তীৰ আক্ৰমণত মৃত্যু হয় কৃষ্ণ বৰ্মন নামৰ এগৰাকী লোকৰ ৷ জানিব পৰা মতে, নিশা প্ৰায় 11 বজাত এটা বন্যহস্তীয়ে গাঁওখনত প্ৰবেশ কৰাত হাতী খেদিবলৈ ওলাই আহিছিল লোকজন ৷ কিন্তু হাতীটোৱে খেদি যোৱাত হাতীটোৰ গচকত ঘটনাস্থলীতে মৃত্যুক সাবটি লয় লোকজনে ।

এতিয়া এই সমগ্ৰ ঘটনাটোক কেন্দ্ৰ কৰি অঞ্চলজুৰি আতংকৰ সৃষ্টি কৰাৰ লগতে ঘটনা সংঘটিত হোৱা কেইবা ঘণ্টা পিছতো বন বিভাগৰ দল ঘটনাস্থলীত উপস্থিত নোহোৱাত ক্ষোভিত হৈ পৰিছে অঞ্চলবাসী ৷ উল্লেখ্য যে এই বৰ্ষতে হাতীৰ আক্ৰমণত ওদালগুৰি জিলাত মৃত্যু হৈছে 9জনকৈ লোকৰ ৷