ওদালগুৰিত সুকলমে সম্পন্ন দ্বিতীয় পৰ্যায়ৰ ভোটগ্ৰহণ

ইভিএমৰ বিসংগতিৰ বাবে কোনো কোনো কেন্দ্ৰত পলমকৈ সম্পন্ন হয় ভোটগ্ৰহণ প্ৰক্ৰিয়া

ওদালগুৰি, 19 এপ্ৰিলঃ সুকলমে সম্পন্ন হ’ল মংগলদৈ লোকসভা সমষ্টিৰ অন্তৰ্গত ওদালগুৰি জিলাত ভোটগ্ৰহণ প্ৰক্ৰিয়া ৷ জিলাখনৰ ৩ টা বিধানসভা সমষ্টিৰ মুঠ ৫৮১ টা ভোটগ্ৰহণ কেন্দ্ৰত অনুষ্ঠিত হৈছিল দ্বিতীয় পৰ্যায়ৰ ভোট গ্ৰহণ ৷ ভোটগ্ৰহণ প্ৰক্ৰিয়া সুকলমে সম্পন্ন হৈছিল যদিও কোনো কোনো ভোট কেন্দ্ৰত ইভিএমৰ বিসংগতিৰ বাবে কিছু পলমকৈ সম্পন্ন হৈছিল ভোট গ্ৰহণ ৷

জিলা নিৰ্বাচনী বিভাগৰ পৰা পোৱা তথ্য অনুসৰি সন্ধিয়া প্ৰায় সাত বজালৈকে জিলাখনৰ ওদালগুৰি সমষ্টিত ৭৮.৬%, মাজবাটত ৭৭.৬১% আৰু পানেৰীত ৭৭% ভোটাৰে ভোটাধিকাৰ সাব্যস্ত কৰে। ভোটগ্ৰহণ প্ৰক্ৰিয়া সম্পন্ন হোৱাৰ পাচতেই ওদালগুৰি উপায়ুক্ত কাৰ্যালয়ত স্থাপন কৰা Strong Roomত জমা থোৱা হয় ইভিএম সমূহ ৷