ভৈৰৱকুণ্ড সমষ্টিৰ বাবে ইস্তাহাৰ প্ৰকাশ ইউপিপিএল দলৰ

শুকুৰবাৰে ভৈৰৱকুণ্ড সমষ্টিৰ বাবে ইস্তাহাৰ প্ৰকাশ কৰিলে ইউ পি পি এল দলে ৷ ইস্তাহাৰত উল্লেখ কৰা প্ৰতিশ্ৰুতি সমূহ দলটোৱে পালনৰ চেষ্টা কৰিব বুলি উল্লেখ কৰে গোবিন্দ বসুমতাৰীয়ে

ওদালগুৰি, 6 জুনঃ বিটিচি নিৰ্বাচনৰ বাবে প্ৰস্তুতি অব্যাহত ৰাখিছে প্ৰমোদ বড়ো নেতৃত্বাধীন ইউ পি পি এল দলে ৷ শুকুৰবাৰে ভৈৰৱকুণ্ড সমষ্টিৰ বাবে ইস্তাহাৰ প্ৰকাশ কৰিলে ইউ পি পি এল দলে ৷ সমষ্টিটোত ইউ পি পি এলৰ হৈ প্ৰতিদ্বন্দিতা কৰিছে প্ৰাক্তন এন ডি এফ বি নেতা গোবিন্দ বসুমতাৰীয়ে ৷

ইস্তাহাৰ মুকলি কৰি ইস্তাহাৰত উল্লেখ কৰা প্ৰতিশ্ৰুতি সমূহ পালনৰ চেষ্টা কৰিব বুলি মন্তব্য কৰে গোবিন্দ বসুমতাৰীয়ে ৷ ইস্তাহাৰ মুকলি অনুষ্ঠানত উপস্থিত থাকি ইউ পি পি এল দলৰ উপ সভাপতি ভ্ৰমণ বাগলাৰীয়ে বি পি এফ দলক ক্ষুৰধাৰ সমলোচনা কৰে ৷ বি পি এফ দলে দুৰ্নীতি কৰাৰ অভিযোগ উত্থাপন কৰে উপ সভাপতি গৰাকীয়ে ৷ আনহাতে ইউ পি পি এল দলে আগন্তপক নিৰ্বচনত ৩০ খন আসনত জয় লাভ কৰি চৰকাৰ গঠন কৰিব বুলিও দাবী কৰিলে ভ্ৰমণ বাগলাৰীয়ে ৷

লগতে পঢ়কঃবিটিচিত প্ৰতিটো বিভাগতে সংঘটিত হৈছে দুৰ্নীতিঃ প্ৰমোদ বড়ো