বঙালী সংগঠনৰ প্ৰতিবাদত উত্তাল কলাইগাঁও

ৰাষ্ট্ৰীয় নাগৰিক পঞ্জীক লৈ এতিয়া সৰ্বত্ৰ ক্ষোভৰ জুই । বঙালী লোকক ৰাষ্ট্ৰীয় নাগৰিক পঞ্জীৰ চূড়ান্ত তালিকাত অন্তৰ্ভুক্ত কৰিবলৈ দাবী বঙালী যুৱ ছাত্ৰ ফেডাৰেশ্যনৰ উদ্যোগত কলাইগাঁৱত সহশ্ৰাধিক লোকৰ অৱস্থান ধৰ্মঘট

কলাইগাঁও, 20 চেপ্তেম্বৰঃ ৰাষ্ট্ৰীয় নাগৰিক পঞ্জীৰ চূড়ান্ত তালিকা প্ৰকাশ হোৱাৰ পিছতে প্ৰতিবাদমুখৰ হৈ পৰিছে বিভিন্ন দল সংগঠন। শুকুৰবাৰে ওদালগুৰি জিলাৰ কলাইগাঁৱটো এন আৰ চিৰ পৰা বাদ পৰা বঙালী লোকক বিনাচৰ্তে এন আৰ চিত অন্তৰ্ভুক্ত কৰিবলৈ দাবী জনাই প্ৰতিবাদী কাৰ্যসূচী গ্ৰহণ কৰে সদৌ অসম বঙালী যুৱ ছাত্ৰ পৰিষদে। কলাইগাঁও পৰিদৰ্শন বাংলাত দুই ঘণ্টীয়া অৱস্থান ধৰ্মঘট ৰূপায়ণ কৰি সহস্ৰাধিক প্ৰতিবাদকাৰীয়ে অসম চৰকাৰ হায় হায়, প্ৰতীক হাজেলা হায় হায়,এন আৰ চিৰ নামত হিন্দু বঙালীক হাৰাশাস্তি কৰা বন্ধ কৰক আদি বিভিন্ন শ্লগানেৰে প্ৰতিবাদস্থলী কঁপাই তোলে ।

প্ৰতিবাদকাৰী সকলে BTF নামৰ যুদ্ধ বিৰতিত থকা বঙালী সশস্ত্ৰ সংগঠনৰ কেডাৰ সকলক সংস্থাপন প্ৰদানৰো দাবী জনাই। চৰকাৰে এই দাবী সমূহ পালন নকৰিলে পৰৱৰ্তী সময়ত তীব্ৰ ৰূপত আন্দোলন কাৰ্যসূচী গ্ৰহণ কৰিব বুলিও দাবী জনাই সংগঠনটোৱে। এই প্ৰতিবাদত কলাইগাঁও সমষ্টিৰ বিধায়ক মহেশ্বৰ বড়ো আৰু বিটিচিৰ কাৰ্যবাহী সদস্য জগদীশ সৰকাৰেও অংশ গ্ৰহণ কৰে ।