ওদালগুৰিত গাঞ্জা সহ আটক এজন

ৰৌতা আৰক্ষীৰ বৃহৎ সাফল্য ৷ প্ৰায় ৫০ কিলোগ্ৰাম গাঞ্জা সহ এজনক গ্ৰেপ্তাৰ ৷

ওদালগুৰি,22 আগষ্টঃওদালগুৰি জিলাৰ ৰৌতা থানাৰ অন্তৰ্গত আমিনপাৰা গাঁৱত বৃহস্পতিবাৰে ৰৌতা আৰক্ষীয়ে গোপন সূত্ৰৰ তথ্যৰ ভিত্তিত এক অভিযান চলাই প্ৰায় ৫০ কিলোগ্ৰাম গাঞ্জা জব্দ কৰাৰ লগতে নুৰ হুছেইন নামৰ এজন গাঞ্জা ব্যৱসায়ীক কৰায়ত্ত কৰিবলৈ সক্ষম হয় । ৰাতিপুৱা ১০ মান বজাত চলোৱা এই অভিযানটোত নুৰ হুছেইন নামৰ লোক জনৰ বাসগৃহৰ পৰা বৃহৎ পৰিমাণৰ গাঞ্জাখিনি উদ্ধাৰ কৰে আৰক্ষীয়ে ৷ ইয়াৰ পিছতে আৰক্ষীয়ে নুৰ হুছেইনক আটক কৰি লৈ আহে ৰৌতা আৰক্ষী থানালৈ । এই সন্দৰ্ভত আৰক্ষীয়ে নিজাববীয়াকৈ এটা গোচৰ পঞ্জীয়ন কৰি ঘটনাৰ তদন্ত অব্যাহত ৰখাৰ লগতে নুৰ হুছেইনক বৃহস্পতিবাৰে ওদালগুৰিৰ আদালতত হাজিৰ কৰাই প্ৰেৰণ কৰে ৰঙাঘৰলৈ ৷