আৰক্ষীৰ জালত প্ৰৱঞ্চক চক্ৰ

বিগত কিছুদিনৰ পৰা ডুমডুমাত গ্ৰাম্য অঞ্চলৰ একাংশ সহজ-সৰল মহিলাৰ এটিএম কার্ডৰ পৰা লাখ লাখ টকা হৰলুকি কৰি আহিছে এটা প্ৰৱঞ্চকৰ চক্ৰই ৷ সোমবাৰে ডুমডুমা আৰক্ষীয়ে অভিযান চলাই প্ৰৱঞ্চক চক্ৰটোৰ ৩ জন অপৰাধীক আটক কৰিবলৈ সক্ষম হৈছে ।

তিনিচুকীয়া, ১২ মাৰ্চ: তিনিচুকীয়া জিলাত দিনক দিনে হত্যা-হিংসাৰ লগতে ঠগ-প্ৰৱঞ্চনাৰ ঘটনা বৃদ্ধি পাই অহাৰ ফলত অতিষ্ঠ হৈ পৰিছে স্থানীয় ৰাইজ।

বিগত কিছুদিনৰ পৰা ডুমডুমাত গ্ৰাম্য অঞ্চলৰ একাংশ সহজ-সৰল মহিলাৰ এটিএম কার্ডৰ পৰা লাখ লাখ টকা হৰলুকি কৰি আহিছে এটা প্ৰৱঞ্চকৰ চক্ৰই ৷ সোমবাৰে ডুমডুমা আৰক্ষীয়ে অভিযান চলাই প্ৰৱঞ্চক চক্ৰটোৰ ৩ জন অপৰাধীক আটক কৰিবলৈ সক্ষম হৈছে ।

অভিযোগ অনুসৰি, চাহ বাগিচা আৰু গাঁৱৰ সহজ-সৰল মহিলা সকলক লক্ষ্য কৰি টকা ওলোৱা অজুহাতেৰে এটিএমত প্ৰৱেশ কৰে আৰু মহিলা সকলৰ সহায় কৰাৰ প্ৰস্তাৱ দিয়ে । তাৰ পাছত এটিএম পিনকোড সংগ্ৰহ কৰি অন্য এখন কার্ড মহিলা সকলক ঘুৰাই দি পঠায় । শেষত সেই এটিএমেৰে টকা হৰলুকী কৰে । এইদৰে চক্ৰটোৱে হেলাৰঙে ২৫/৩০ গৰাকী লোকৰ পৰা লাখ লাখ টকা হৰলুকী কৰি অৱশেষত ডুমডুমা আৰক্ষীৰ জালত পৰিছে৷ প্ৰৱঞ্চকৰ দলটোৰ পৰা 25 খনকৈ এটিএম কার্ড উদ্ধাৰ কৰিছে ডুমডুমা আৰক্ষীয়ে ।