ওদালগুৰি,8 মেঃ ওদালগুৰিত বিদেশী ন্যায়ধীকৰণে বিদেশী ঘোষণা কৰা 9 জন লোকক গ্ৰেপ্তাৰ ৷ মঙলবাৰে এই ঘোষণা লাভ কৰাৰ পাচতে ওদালগুৰি,টংলা আৰু খৈৰাবাৰী আৰক্ষী থানাৰ সীমান্ত শাখাৰ স্পেচিয়েল টাক্স ফৰ্ছে কৰায়ত্ত কৰে লোককেইজনক ৷ আৰক্ষীয়ে কৰায়ত্ত কৰা লোক কেইজন হ'ল টংলা থানাৰ অন্তৰ্গত চমুৱাপাৰাৰ কল্পনা বিশ্বাস,বনবাসী মণ্ডল,কুকুৰাকাটাৰ স্বপন সৰকাৰ,টংলা চহৰৰ ৩নং ৱাৰ্ডৰ শিৱানী মদক,মায়াৰানী সেন ৷ ওদালগুৰি থানাৰ অন্তৰ্গত ষ্টেচন ব্লকৰ নাচিৰান বেগম আৰু ৰাচিদা বেগম,খৈৰাবাৰী থানাৰ অন্তৰ্গত ধুপগুৰিৰ নবীন বৰ্মন আৰু খৈৰাবাৰী গাঁৱৰ অজিত ভদ্ৰ ৷ বুধবাৰে বিদেশী ঘোষিত আটাইকেইজন লোককে ওদালগুৰি অসামৰিক চিকিৎসালয়ত শাৰীৰিক পৰীক্ষা কৰি তেজপুৰৰ ডিটেনশ্যন কেম্পলৈ প্ৰেৰণ কৰে আৰক্ষীয়ে।
ওদালগুৰিত 9 জন লোকক বিদেশী ঘোষণা