ওদালগুৰিত পুনৰ মৃত্যু বনৰীয়া হাতীৰ

সীমান্ত অঞ্চলত খেতি পথাৰ সমূহ হাতীৰ পৰা ৰক্ষা কৰিবলৈ একাংশ লোকে অবৈধ্য ভাৱে বিদ্যুৎ সংস্থাপন কৰাৰ ফলত পূৰ্বতেও কেইবাটাও হাতীৰ লগতে মানুহৰো মৃত্যু হোৱাৰ কথা পোহৰলৈ আহে

ওদালগুৰি , 9 অক্টোবৰঃ হাতী-মানুহৰ সংঘাতে ভয়াৱহ ৰূপ ধাৰণ কৰা ওদালগুৰিত পুনৰ মৃত্যুক সাৱতিলে এটা বনৰীয়া হাতীয়ে । বুধবাৰে পুৱা প্ৰায় ৬:৩০ বজাত জিলা খনৰ ভাৰত-ভূটান সীমান্তৰ ১ নং ভোলাটাৰত বন্যহস্তীটোৰ মৃতদেহ প্ৰত্যক্ষ কৰে স্থানীয় ৰাইজে । ঘটনা সন্দৰ্ভত স্থানীয় ৰাইজে বন বিভাগক খবৰ দিয়াত বিভাগৰ লোক আহি হাতীটোৰ মৰণোত্তৰ পৰীক্ষাৰ আৰম্ভ কৰে । আনহাতে, হাতীটোৰ মৃত্যুৰ প্ৰকৃত কাৰণ জানিব পৰা হোবা নাই যদিও হাতীটো বিদ্যুৎপৃষ্ট হৈ মৃত্যু হোৱা বুলি সন্দেহ কৰিছে স্থানীয় ৰাইজে ।

সীমান্ত অঞ্চলত খেতি পথাৰ সমূহ হাতীৰ পৰা ৰক্ষা কৰিবলৈ একাংশ লোকে অবৈধ্য ভাৱে বিদ্যুৎ সংস্থাপন কৰাৰ ফলত পূৰ্বতেও কেইবাটাও হাতীৰ লগতে মানুহৰো মৃত্যু হোৱাৰ কথা পোহৰলৈ আহে । কিন্তু বন বিভাগৰ ব্যৰ্থতা আৰু একাংশ লোকৰ ভুলৰ বাবেই জিলা খনত পুনৰ সংঘটিত হ'ব পালে এনে ঘটনা । উল্লেখ্য যে, ওদালগুৰিত চলিত বৰ্ষত ১৮ জন লোক হাতীৰ আক্ৰমণৰ মৃত্যু হোৱাৰ লগতে বিভিন্ন কাৰণত মৃত্যু হৈছে ৪ টাকৈ হাতীৰ ।

লগতে পঢ়কঃ-মণিপুৰৰ ম'ৰেত ভাৰত-ম্যানমাৰ সীমান্ত ছীল আছাম ৰাইফলছৰ