ওদালগুৰিত পালন এনডিএফবিৰ শ্বহীদ দিৱস

আজি ৰাজ্যৰ প্ৰান্তে-প্ৰান্তে পালন কৰা হয় এনডিএফবিৰ শ্বহীদ দিৱস ৷ ওদালগুৰিৰ লগতে এনডিএফবিৰ প্ৰথম শ্বহীদ বাংবৌৰ গৌৰা বসুমতাৰীৰ গৃহতো পালন কৰা হয় শ্বহীদ দিৱস ৷ অনুষ্ঠানত সংগঠনটোৰ বহু সমস্যা সন্দৰ্ভত আলোচনা কৰা হয় ৷

দৰং,14ছেপ্টেম্বৰ:সোমবাৰে ওদালগুৰিত পালন কৰা হয় এনডিএফবিৰ শ্বহীদ দিৱস ৷ এনডিএফবিৰ সংগঠন ভংগ হোৱাৰ পাছত পোনপ্ৰথম বাৰৰ বাবে পালন কৰা হয় এই দিৱস ৷ কাজিয়ামাটীত ধীৰেন বড়ো গোটৰ প্ৰাক্তন সদস্য সকলে পালন কৰে এই শ্বহীদ দিৱস ৷ এনডিএফবিৰ প্ৰথম শ্বহীদ বাংবৌৰ গৌৰা বসুমতাৰীৰ গৃহতো পালন কৰা হয় শ্বহীদ দিৱস ৷ ৰঞ্জন দৈমাৰী,ধীৰেন বড়ো আৰু সৌৰাংগ্ৰা গোটৰ প্ৰাক্তন সদস্যসকলৰ উদ্যোগত পালন কৰা হয় এই দিৱস ৷

এই অনুষ্ঠানৰ জৰিয়তে সকলো এনডিএফবিৰ সদস্যক ৬,০০০ টকাকৈ মাহিলী ভাট্টা প্ৰদান কৰাৰ লগতে প্ৰাক্তন এনডিএফবিৰ সদস্যসকলক অতি শীঘ্ৰে পুনৰ সংস্থাপন দিয়াৰ দাবী জনাই সংগঠনটোৰ সদস্য সকলে ৷

অন্য এক খবৰৰ বাবে: ক’ৰণাই অমানিশা নমাই আনিছে বৰপেটাৰ মৃৎ শিল্পীসকললৈ

সদস্যসকলৰ মন্তব্য অনুসৰি, বৰ্তমানেও এই সংগঠনৰ বহু সদস্য কাৰাবাসতে আবদ্ধ হৈ আছে ৷ সংগঠনৰ সকলো সদস্যই সাধাৰণ ভাৱে জীয়াই থাকিব বিচাৰে ৷ চৰকাৰে এই ক্ষেত্ৰত সহায় কৰা উচিত ৷

আনহাতে,এনডিএফবিৰ শ্বহীদ পৰিয়ালক ক্ষতি পূৰণ দিয়াৰ আহ্বান জনাই সংগঠনটোৰ সদস্য সকলে ৷ 36 বছৰীয়া সংগ্ৰামত শ্বহীদ হোৱা সদস্য সকলৰ পৰিয়ালৰ বাবে চৰকাৰ আগবাঢ়ি আহিব লাগে আৰু পৰিয়ালকেইটাক সহায় কৰিব লাগে বুলি অনুষ্ঠানত উল্লেখ কৰে সংগঠনৰ সদস্য সকলে ৷ এই শ্বহীদ পৰিয়ালকেইটাক 5লাখ টকাকৈ আৰ্থিক সাহাস্য প্ৰদানৰ দাবী জনাই সদস্য সকলে ৷