ৰৌতা আৰক্ষীৰ জালত তিনিজনকৈ গভাইত চোৰ

দীৰ্ঘদিন ধৰি সন্ত্ৰাস চলাই অহাৰ পিচত ৰৌতা আৰক্ষীয়ে অভিযান চলাই ৰৌতাৰ ঝাৰগাঁৱৰ পৰা গ্ৰেপ্তাৰ কৰে চোৰৰ দলটোক ৷ চোৰ কেইজন ক্ৰমে জহিৰুল ইছলাম , জাফৰ আলি আৰু মহিবুল ইছলাম ।

ৰৌতা, 28 মেঃ সোমবাৰে ৰৌতা আৰক্ষীয়ে চলোৱা এক অভিযানত ৰৌতাৰ ঝাৰগাঁৱৰ পৰা গ্ৰেপ্তাৰ হয় তিনিজন গভাইত চোৰ ৷ দীৰ্ঘদিন ধৰি ৰৌতাৰ ভিন্ন অঞ্চলত চুৰি কাৰ্য সংঘটিত কৰি ৰৌতা আৰক্ষীৰ নিদ্ৰাহৰণ কৰি আহিছিল চোৰৰ দলটোৱে । ৰৌতা অঞ্চলৰ ভিন্ন প্ৰান্তত দিন-দুপৰতে গৃহস্থৰ ঘৰত সোমাই দলটোৱে সংঘটিত কৰি গৈছিল চুৰি কাৰ্য।

দীৰ্ঘদিন ধৰি সন্ত্ৰাস চলাই অহাৰ পিচত ৰৌতা আৰক্ষীয়ে অভিযান চলাই ৰৌতাৰ ঝাৰগাঁৱৰ পৰা গ্ৰেপ্তাৰ কৰে চোৰৰ দলটোক ৷ চোৰ কেইজন ক্ৰমে- জহিৰুল ইছলাম , জাফৰ আলি আৰু মহিবুল ইছলাম । চোৰৰ দলটোৰ পৰা আৰক্ষীয়ে উদ্ধাৰ কৰে ডেৰ লক্ষাধিক মূল্যৰ সোণ ৰূপৰ আ- অলংকাৰ, ৩ হাজৰ টকা নগদ ধন,এটা লেপটপ আৰু দুটাকৈ মোবাইল ফোন। দলটোৰ পৰা চুৰি কাণ্ডত ব্যৱহাৰ কৰা এখন বাইকো জব্দ কৰে আৰক্ষীয়ে৷