ওদালগুৰিত আদিবাসী ছাত্ৰ সন্থাৰ সজাগতা সভা

দেওবাৰে ওদালগুৰি জিলাৰ ভেৰগাঁও আঞ্চলিক সমিতি আদিবাসী ছাত্ৰ সন্থাৰ অন্তৰ্গত নাচনশালী গাঁওৰ প্ৰাথমিক সমিতিৰ নতুনকৈ নিৰ্মাণ হ'ব লগা কাৰ্যালয়ৰ লাইখুঁটা স্থাপন কৰা হয়।

ওদালগুৰি, ১৭ ফেব্ৰুৱাৰীঃদেওবাৰে ওদালগুৰি জিলাৰ ভেৰগাঁও আঞ্চলিক সমিতি আদিবাসী ছাত্ৰ সন্থাৰ অন্তৰ্গত নাচনশালী গাঁওৰ প্ৰাথমিক সমিতিৰ নতুনকৈ নিৰ্মাণ হ'ব লগা কাৰ্যালয়ৰ লাইখুঁটা স্থাপন কৰা হয়।

লাইখুঁটা স্থাপন কৰে আদিবাসী ছাত্ৰ সন্থাৰ কেন্দ্ৰীয় সমিতিৰ সভাপতি প্ৰদীপ নাগেই। উক্ত কাৰ্যসূচীৰ লগত সংগতি ৰাখি আদিবাসী সকলৰ শৈক্ষিক, অৰ্থনৈতিক, ৰাজনৈতিক দিশৰ ওপৰত এখন সজাগতা সভাও অনুষ্ঠিত কৰা হয়।

উক্ত সভাত আছাৰ কেন্দ্ৰীয় সভাপতি প্ৰদীপ নাগৰ লগতে ওদালগুৰি জিলা সমিতিৰ সভাপতি টিংকু ওৰাং, সম্পাদক ৰবিৰাম বাস্কে, সাংগঠনিক সম্পাদক ৰবিন গোৱালা, যুটিয়া সম্পাদক লক্ষিন্দৰ মূলা, আক্ৰাছু জিলা সমিতিৰ সাংগঠনিক সম্পাদক মিন্টু বৰুৱা, আছাৰ পানেৰী আঞ্চলিকৰ সম্পাদক তিলক ৰৌচন বাৰা, প্ৰদীপ তাঁতি, বৰুণ নাগকে ধৰি বহু কেইগৰাকী আছা নেতা উপস্থিত থাকে।