তিনিচুকীয়া, 15 ছেপ্টেম্বৰ :তিনিচুকীয়া জিলাৰ থানা চাৰিআলিত মঙলবাৰে সদৌ টাই আহোম ছাত্ৰ সন্থাৰ তিনিচুকীয়া আঞ্চলিক সমিতিয়ে উত্তাল প্ৰতিবাদ সাব্যস্ত কৰে ৷ প্ৰতিবাদকাৰীসকলে কেন্দ্ৰীয় জনজাতি পৰিক্ৰমা মন্ত্ৰী অৰ্জুন মুণ্ডাৰ পুত্তলিকা দাহ কৰি অসমৰ ছয় জনগোষ্ঠীক জনজাতিকৰণৰ নামত কেন্দ্ৰ আৰু ৰাজ্য দুয়োখন চৰকাৰে বাৰে বাৰে প্ৰতাৰণা কৰি আহিছে বুলি অভিযোগ কৰে ।
তিনিচুকীয়াত কেন্দ্ৰীয় জনজাতি মন্ত্ৰী অৰ্জুন মুণ্ডাৰ পুত্তলিকা দাহ
সম্প্ৰতি অসম ভ্ৰমণলৈ অহা কেন্দ্ৰীয় জনজাতি পৰিক্ৰমা মন্ত্ৰী অৰ্জুন মুণ্ডাই অসমৰ অসমৰ ছয় জনগোষ্ঠীক জনজাতিকৰণৰ ক্ষেত্ৰত গৱেষণা কৰাৰ প্ৰয়োজন আছে বুলি কৰা মন্তব্যক লৈ সৰৱ হৈ পৰিছে টাই আহোম ছাত্ৰ সন্থা৷ তেওঁলোকে ছয় জনগোষ্ঠীৰ জনজাতিকৰণৰ সন্দৰ্ভত প্ৰধানমন্ত্ৰী আৰু মুখ্যমন্ত্ৰীক গুৰুত্ব দিবলৈ আহ্বান জনায় ।