Body found in Tinsukia: নিউ তিনিচুকীয়া জংচনৰ সমীপত অচিনাক্ত মৃতদেহ উদ্ধাৰ

তিনিচুকীয়াত উদ্ধাৰ অচিনাক্ত মৃতদেহ । পূজাৰ বাবে নিৰ্মাণ কৰা পেণ্ডেলত উলমি থকাৰ অৱস্থাত উদ্ধাৰ হৈছে এই মৃতদেহটো ।

তিনিচুকীয়া, ১৩ ছেপ্তেম্বৰ: তিনিচুকীয়া জিলাৰ হিজুগুৰিৰ নিউ তিনিচুকীয়া জংচনৰ সমীপত উদ্ধাৰ হৈছে এটি মৃতদেহ । বুধবাৰে পুৱাই উদ্ধাৰ হৈছে এই মৃতদেহটো । জিলাখনৰ হিজুগুৰিস্থিত নিউ তিনিচুকীয়া জংচনৰ সমীপত এটা অচিনাক্ত মৃতদেহ উদ্ধাৰ হোৱাৰ পিচতেই ৰাইজে আৰক্ষীক অৱগত কৰে ৷ এটা পূজাৰ বাবে নিৰ্মাণ কৰা পেণ্ডেলত উলমি থকাৰ অৱস্থাত স্থানীয় ৰাইজে প্ৰত্যক্ষ কৰে মৃতদেহটো ৷ পৰৱৰ্তী সময়ত উক্ত স্থানত হিজুগুৰি আৰক্ষী উপস্থিত হৈ মৃতদেহটো উদ্ধাৰ কৰি তিনিচুকীয়া অসামৰিক চিকিৎসালয়লৈ প্ৰেৰণ কৰাৰ লগতে আৰম্ভ কৰিছে তদন্ত ৷

এই লোকজনে আত্মহত্যা কৰিলে নে কোনোবাই হত্যা কৰি উক্ত স্থানত এৰি থৈ গৈছে সেয়া জানিব পৰা নাই । পৰৱৰ্তী সময়ত আৰক্ষীৰ তদন্তত পোহৰলৈ এই কথা পোহৰলৈ আহিব যদিও মৃত লোকজনৰ পকেটত তিনিচুকীয়াৰ পৰা যাত্ৰা কৰিব লগা এটা ৰে'লৰ টিকত লাভ কৰা বুলি স্থানীয় ৰাইজৰ পৰা জানিব পৰা গৈছে ৷ তিনিচুকীয়াৰ ৰাজপথৰ লগতে বিভিন্ন ৰাজহুৱা স্থানত এনেদৰে সঘনাই উদ্ধাৰ কৰা মৃতদেহৰ ঘটনাই তিনিচুকীয়াৰ সচেতন মহলৰ মাজত চৰ্চিত হৈছে ।

লগতে পঢ়ক:INDIA Coordination Committee Meet: আজি দিল্লীত ইণ্ডিয়া মিত্ৰজোঁটৰ সমন্বয় সমিতিৰ প্ৰথম বৈঠক

ইপিনে, যোৱা জুলাইতো তিনিচুকীয়া চহৰৰ সমীপৰ শুকানপুখুৰীৰ চাহ বাগিচাৰ ১২ নং লাইনৰ এটা উন্মুক্ত দ' নলাত এক অচিনাক্ত লোকৰ মৃতদেহ উদ্ধাৰ হৈছিল ৷ অচিনাক্ত লোকজনৰ মৃতদেহ পানীত উপঙি থকা প্ৰত্যক্ষ কৰি স্থানীয় ৰাইজে আৰক্ষীক খবৰ দিয়াত আৰক্ষীয়ে মৃতদেহটো উদ্ধাৰ কৰে । স্থানীয় লোক আৰু শুকানপুখুৰী আঞ্চলিক যুৱ সংঘই উত্থাপন কৰা অভিযোগ অনুসৰি শুকানপুখুৰী চাহ বাগিচা কৰ্তৃপক্ষই ১২নং লাইনত এক প্ৰকাণ্ড নলা খান্দিছে । পৰৱৰ্তী সময়ত এই নলাটো মাটিৰে পূৰ নকৰাত পানীৰে উপচি পৰাৰ ফলত মৰণফান্দলৈ পৰিণত হোৱাত ৰাইজে যাতায়াতত সমস্য়াৰ সন্মুখীন হ'বলগীয়া হৈছে ।

লগতে পঢ়ক:BKWAC meets CM: মুখ্যমন্ত্ৰীৰে BKWAC-UBPOৰ আলোচনা; তিনি মাহৰ ভিতৰত BKWACৰ গাওঁ চিনাক্তকৰণৰ প্ৰক্ৰিয়া সমাপ্ত কৰাৰ সিদ্ধান্ত