তিনিচুকীয়া, 1 নৱেম্বৰ : সোমবাৰে ভোটাৰ কাৰ্ডৰ সংশোধনীৰ প্ৰক্ৰিয়াৰ বাবে ডিগবৈ মহিলা মহাবিদ্যালয়ত বিভাগীয় BLO সকলক প্ৰশিক্ষণ দিয়ে তিনিচুকীয়া নিৰ্বাচনী বিষয়া কংকন জ্যোতি শইকীয়াই । শইকীয়াই কয় যে, ভাৰতৰ নিৰ্বাচন আয়োগৰ নিৰ্দেশনা অনুসৰি ১ নৱেম্বৰ তাৰিখে বিশেষ সংক্ষিপ্ত সংশোধনী ২০২২ৰ প্ৰক্ৰিয়াৰ জৰিয়তে খচৰা ভোটাৰ তালিকা প্ৰকাশ পাইছে ।
১৮ বছৰৰ উৰ্ধৰ যিসকল ৰাইজে এতিয়ালৈকে নিজৰ নাম ভোটাৰ তালিকাত অন্তৰ্ভুক্ত কৰা নাই বা ১ জানুৱাৰী ২০২২ লৈকে যিসকলৰ ১৮ বছৰ সম্পূৰ্ণ হৈছে তেওঁলোকে ভোটাৰ তালিকাত নাম অন্তৰ্ভুক্ত কৰিব পাৰিব । তাৰ কাৰণে ৰাইজে তেওঁলোকৰ স্থানীয় BLO (বুথ পৰ্যায়ৰ বিষয়া) সকলক লগত যোগাযোগ কৰি ভোটাৰ তালিকাত নাম অন্তৰ্ভুক্ত আৰু শুধৰণি কৰিব পাৰিব ।
তিনিচুকীয়া নিৰ্বাচনী বিষয়া উপস্থিতিত ডিগবৈত BLO সকলৰ প্ৰশিক্ষণ শিৱিৰ