তিনিচুকীয়া জিলা ছাত্ৰ সন্থাৰ স্বৰ্গ যাত্ৰা বাহন প্ৰদান

তিনিচুকীয়া অসামৰিক চিকিৎসালয়ত আছুৰ মৃতদেহ কঢ়িওৱা গাড়ী উদ্বোধন লুৰিনজ্যোতি গগৈৰ ৷

তিনিচুকীয়া,১০ ছেপ্টেম্বৰঃ মংগলবাৰে সদৌ তিনিচুকীয়া জিলা ছাত্ৰ সন্থাই অইল ইণ্ডিয়া লিমিটেডৰ সহযোগত তিনিচুকীয়াৰ লোকপ্ৰিয় গোপীনাথ বৰদলৈ অসামৰিক চিকিৎসালয়ত এখন মৃতদেহ কঢ়িওৱা গাড়ী প্ৰদান কৰে । মূলতঃ দৰিদ্ৰ লোকসকলে অৰ্থৰ অভাৱত মৃতদেহ নিবলৈ অপাৰগ হয় । ইয়াৰ প্ৰতি লক্ষ্য ৰাখি সদৌ তিনিচুকীয়া জিলা ছাত্ৰ সন্থাই অইল ইণ্ডিয়া লিমিটেডৰ সৈতে আলোচনা কৰি সকলো শ্ৰেণীৰ দুখীয়া লোকৰ সুবিধাৰ্থে এখন বাহন প্ৰদান কৰিবলৈ আগবাঢ়ি আহে । মংগলবাৰে অনুষ্ঠানিক ভাৱে স্বৰ্গ যাত্ৰা বাহন খন সদৌ অসম ছাত্ৰ সন্থাৰ সাধাৰণ সম্পাদক লুৰিনজ্যোতি গগৈয়ে উদ্বোধন কৰি চিকিৎসালয় কৰ্তৃপক্ষক প্ৰদান কৰে । ইফালে আছুৰ এই মানৱ দৰদী কাৰ্যক তিনিচুকীয়াবাসী ৰাইজে একমুখে শলাগ লোৱা পৰিলক্ষিত হৈছে ।