তিনিচুকীয়া,30 অক্টোবৰ :তিনিচুকীয়াত পুনৰ সাংবাদিকক আক্ৰমণৰ ঘটনা ৷ তিনিচুকীয়া ন পুখুৰীত টাই আহোম ছাত্ৰ সন্থাৰ ডুমডুমা শাখাৰ সাধাৰণ সম্পাদক চিম্ময় ফুকনৰ লগতে হিৰণ্ময় মৰাণ নামৰ এজন সাংবাদিকক আক্ৰমণ দুৰ্বৃত্তৰ ৷ ইতিমধ্যে তিনিচুকীয়া আৰক্ষীয়ে আটক কৰিছে অৰ্জুন মাহাতু আৰু ভীম মাহাতু নামৰ দুই আক্ৰমণকাৰীক ৷
ঘটনা অনুসৰি টাই আহোম ছাত্ৰ সন্থাৰ ডুমডুমা শাখাৰ সাধাৰণ সম্পাদক চিম্ময় ফুকনৰ লগতে আন তিনিজনক অভিযুক্ত অৰ্জুন মাহাতু আৰু ভীম মাহাতুৱে আন কেইজন লোকৰ সৈতে আক্ৰমণ কৰে ৷ সেই সমযত হিৰণ্ময় মৰাণ নামৰ সাংবাদিকজনে নিজ কৰ্তব্য সম্পাদন কৰি আহি উক্ত স্থানত উপস্থিত হোৱাত সাংবাদিকজনকো খেদি খেতি প্ৰহাৰ কৰে লোককেইজনে ৷ লগতে কাঢ়ি লৈ যায় সাংবাদিকজনৰ ম'বাইল ফোন আৰু পাৱাৰ বেংক | ইতিমধ্যে সাংবাদিক হিৰণ্ময় মৰাণৰ লগতে চিন্ময় ফুকনে পৃথকে-পৃথকে তিনিচুকীয়া সদৰ থানাত এজাহাৰ দাখিল কৰিছে । এই গোচৰ ভিত্তিতে তিনিচুকীয়া আৰক্ষীয়ে আটক কৰিছে অৰ্জুন মাহাতু আৰু ভীম মাহাতু নামৰ দুই অভিযুক্তক ৷