তিনিচুকীয়া আৰক্ষীৰ জালত তিনি ডকাইত

ডকাইতৰ বিৰুদ্ধে অভিযান চলাই তিনিচুকীয়া আৰক্ষীয়ে আটক কৰে তিনিজন ডকাইতক ৷

তিনিচুকীয়া, 27 নৱেম্বৰঃ তিনিচুকীয়াত আটক তিনি ডকাইত ৷ তিনিচুকীয়া আৰক্ষী অধীক্ষকৰ নেতৃত্বত চলা বিশেষ অভিযানত ডুমডুমাৰ পৰা আটক তিনিজন ধৃত ডকাইত ৷ ডকাইত কেইজনৰ এজন বাঘজানৰ কৰ্দৈগুৰিৰ কৃষ্ণ কান্ত মৰাণ, আনজন দৰ্জিজানৰ ধমেন মৰাণ আৰু অন্য এজন ডুমডুমাৰ গৈপানী গাঁৱৰ বাবা গগৈ বুলি আৰক্ষীয়ে প্ৰকাশ কৰে ৷ উল্লেখ্য যে দীৰ্ঘদিন ধৰি ধৃত এই যুৱককেইজনে বিভিন্ন ঠাইত ডকাইতিৰ লগতে পথচাৰীৰ পৰা সামগ্ৰী থপিয়াই নিয়া কাৰ্যত জড়িত আছিল বুলি উল্লেখ কৰে ৷ সম্প্ৰতি ধৃত ডকাইতকেইটাক তিনিচুকীয়া আৰক্ষীয়ে জেৰা কৰি থকাৰ লগতে জিলাখনত সংঘটিত বিভিন্ন ডকাইতি কাণ্ডৰ বিৰুদ্ধে অভিযান অব্যাহত ৰাখিছে ৷

আৰু পঢ়কঃ ছয়গাঁৱত চাউল চুৰি গোচৰত গ্ৰেপ্তাৰ প্ৰধান শিক্ষক