তিনিচুকীয়া,19 মাৰ্চঃঅহা শনিবাৰে তিনিচুকীয়া জানমুখ খেলপথাৰত আহি উপস্থিত হ'ব দেশৰ প্ৰধানমন্ত্ৰী নৰেন্দ্ৰ মোডী ৷ যাৰ বাবে এতিয়া তিনিচুকীয়াত বিজেপি কৰ্মীৰ মাজত ব্যাপক প্ৰস্তুতি দেখিবলৈ পোৱা গৈছে । দ্বিতীয় বাৰলৈ তিনিচুকীয়া সমষ্টিৰ বিজেপি প্ৰাৰ্থীত্ব লাভ কৰা সঞ্জয় কিষানৰ হৈ নিৰ্বাচনী প্ৰচাৰ চলাবলৈ তিনিচুকীয়ালৈ আহিব দেশৰ প্ৰধানমন্ত্ৰী গৰাকী।
শুকুৰবাৰে তিনিচুকীয়া চলিহা নগৰ খেলপথাৰত বিজেপি মহিলা মৰ্চাৰ প্ৰায় এহেজাৰ মহিলাই প্ৰায় তিনিহাজাৰ বন্তিৰে 'Welcome Modi' লিখি প্ৰজ্বলন কৰে । দেখিবলৈ পোৱা গৈছিল যোৱা 16 মাৰ্চত উত্তৰ পূব দিল্লীৰ সাংসদ মনোজ তিৱাৰীও আহি তিনিচুকীয়াত সঞ্জয় কিষাণৰ হৈ নিৰ্বাচনী প্ৰচাৰ কৰি গৈছিল । চলিহানগৰ খেলপথাৰত বন্তী প্ৰজ্বলন অনুষ্ঠানত উপস্থিত থাকে বিহাৰৰ প্ৰাক্তন মন্ত্ৰী তথা বৰ্তমানৰ বিধায়ক নিতিশ মিশ্ৰা, তিনিচুকীয়া সমষ্টিৰ প্ৰাৰ্থী সঞ্জয় কিষাণ, ডিব্ৰুগড় জিলাৰ সাংসদ ৰামেশ্বৰ তেলী, পুলক গোহাঁই, লক্ষ্য কোঁৱৰকে আদি কৰি প্ৰায় দুই হাজাৰৰ অধিক বিজেপিৰ মহিলা কৰ্মকৰ্তা উপস্থিত আছিল ।
লগতে পঢ়কঃ বৃন্দাবন গোস্বামীৰ বাসগৃহত অতুল বৰা আৰু কেশৱ মহন্ত